Gujarat High Court NHAI Warning: NHAI સામે ગુજરાત હાઇકોર્ટ ની લાલ આંખ ,હાઈવે બનાવતી વખતે બંને બાજુ ફેન્સિંગ કરાવા ટકોર

ગુજરાત હાઈકોર્ટની NHAI ને ટકોર

હાઇકોર્ટે સુનાવણી દરમિયાન સ્પષ્ટપણે જણાવ્યું છે કે, નવા હાઇવેના નિર્માણ સમયે જ રોડની બંને બાજુએ ફરજિયાત ફેન્સિંગ (જાળી કે રેલિંગ) લગાવવાની વ્યવસ્થા કરવી જોઈએ. અવારનવાર હાઇવે પર અચાનક રખડતા શ્વાન, પશુઓ કે ઢોર આવી જવાના કારણે ગંભીર અકસ્માતો સર્જાતા હોય છે અને નિર્દોષ લોકોએ જીવ ગુમાવવાનો વારો આવે છે, જેને રોકવા માટે આ પગલું અત્યંત આવશ્યક છે.

તાત્કાલિક પ્રાથમિક સારવાર અંગે ચિંતા વ્યક્ત કરી

આ ઉપરાંત, અદાલતે હાઇવે પર અકસ્માતનો ભોગ બનતા ઇજાગ્રસ્તો માટે પણ ચિંતા વ્યક્ત કરી હતી. હાઇકોર્ટે ટકોર કરી હતી કે નવા હાઇવેના આયોજન વખતે જ ટ્રોમા સેન્ટર અને ફર્સ્ટ એડ સેન્ટર અંગે ગંભીરતાથી વિચાર કરવો જોઈએ. દેશના મોટાભાગના હાઇવે પર ઇજાગ્રસ્તોને તાત્કાલિક પ્રાથમિક સારવાર મળી રહે તેવી પૂરતી સુવિધાઓનો મોટો અભાવ જોવા મળે છે. NHAI દ્વારા વાહનચાલકો પાસેથી મોટા પ્રમાણમાં ટોલ ટેક્સ (Toll Tax) વસૂલવામાં આવે છે, ત્યારે પ્રવાસીઓને સુરક્ષિત અને સુવિધાસભર માર્ગ પૂરો પાડવાની તેમની મુખ્ય જવાબદારી બને છે તેવું અદાલતે ઉમેર્યું હતું.

આ પણ વાંચો: Surat: કિમ નદીના પૂરે ઠેર ઠેર વિનાશ વેર્યો, ખેડૂતોના ઊભા પાક પાણીમાં તણાયો