Ahmedabad: ગુજરાત યુનિવર્સિટીને UGC ની મોટી ભેટ, ઓટોનોમસ યુનિવર્સિટી તરીકે મળી માન્યતા
ઉચ્ચ શિક્ષણ ક્ષેત્રે પારદર્શિતા અને શૈક્ષણિક ઉત્કૃષ્ટતા લાવવા માટે દેશભરની યુનિવર્સિટીઓને મહત્વપૂર્ણ અધિકારો સોંપવામાં આવી રહ્યા છે. આ જ ક્રમમાં અમદાવાદ સ્થિત રાજ્યની આગેવાન યુનિવર્સિટીને વિશેષ સ્વાયત્તતા પ્રાપ્ત થઈ છે, જેનાથી આગામી સમયમાં શૈક્ષણિક અને વહીવટી નિર્ણયો વધુ ઝડપથી અને સ્વતંત્ર રીતે લેવા માટેનો માર્ગ મોકળો બન્યો છે.
Advertisement
Gujarat University Autonomous Status: અમદાવાદ સ્થિત રાજ્યની પ્રતિષ્ઠિત ગુજરાત યુનિવર્સિટીના શૈક્ષણિક અને વહીવટી માળખાને લઈને એક અત્યંત મહત્વપૂર્ણ, રાહતરૂપ અને મોટા સમાચાર સામે આવ્યા છે. યુનિવર્સિટી ગ્રાન્ટ્સ કમિશન (UGC) દ્વારા સત્તાવાર રીતે ગુજરાત યુનિવર્સિટીને ઓટોનોમસ (સ્વાયત્ત) યુનિવર્સિટી તરીકેનો દરજ્જો અને માન્યતા પ્રદાન કરવામાં આવી છે, જે યુનિવર્સિટીના ઇતિહાસમાં એક સીમાચિહ્ન સમાન પગલું સાબિત થશે.