Vande Bharat Train Saves Life: વંદે ભારત ટ્રેન ફરી બની જીવનરક્ષક, 3 દિવસમાં બીજી વખત દાતા હૃદયનું પરિવહન

બ્રેઈનડેડ દર્દીનું હૃદય સફળતાપૂર્વક રિટ્રીવ કરવામાં આવ્યું

અંકલેશ્વર (Ankleshwar) સ્થિત શ્રીમતી જયાબેન મોદી હોસ્પિટલ (Shrimati Jayaben Modi Hospital) માંથી એક બ્રેઈનડેડ દર્દીનું હૃદય સફળતાપૂર્વક રિટ્રીવ કરવામાં આવ્યું હતું. આ અંગને સમયસર અમદાવાદ પહોંચાડવાનું હતું, જે માટે વંદે ભારત એક્સપ્રેસ ટ્રેનને અંકલેશ્વર રેલવે સ્ટેશને એક વિશેષ અને પ્રથમ ઓપરેશનલ હોલ્ટ (Operational Halt) આપવામાં આવ્યો હતો. રેલવે તંત્ર દ્વારા સમયની પાબંદી જાળવીને હૃદયને ટ્રેનમાં સુરક્ષિત રીતે ગોઠવવામાં આવ્યું હતું.

ગ્રીન કોર્ડોર બનાવી હદય લઈ જવામાં આવ્યું

ટ્રેન અમદાવાદ પહોંચતા જ સ્ટેશનથી લઈને હોસ્પિટલ સુધીનો રૂટ ખાલી કરાવવા માટે ખાસ ગ્રીન કોરિડોર (Green Corridor) બનાવવામાં આવ્યો હતો. આ ગ્રીન કોરિડોરની મદદથી હૃદયને પલકારાભેર અમદાવાદની પ્રખ્યાત યુ.એન. મહેતા હોસ્પિટલ (UN Mehta Hospital) ખાતે પહોંચાડવામાં આવ્યું હતું. હોસ્પિટલના નિષ્ણાત તબીબો દ્વારા સમયસર હાર્ટ ટ્રાન્સપ્લાન્ટ (Heart Transplant) ની જટિલ સર્જરી સફળતાપૂર્વક પાર પાડવામાં આવી હતી. યુ.એન. મહેતા હોસ્પિટલના ઇતિહાસમાં આ 78મું સફળ હાર્ટ ટ્રાન્સપ્લાન્ટ સાબિત થયું છે, જેનાથી દર્દીને નવું આયુષ્ય પ્રાપ્ત થયું છે.

કર્મચારીઓ દ્વારા ઉત્કૃષ્ટ અને પ્રશંસનીય સંકલન કામગીરી

અંગદાન (Organ Donation) જેવી મહાન પ્રવૃત્તિમાં લોજિસ્ટિક્સને અતિશય ઝડપી બનાવવાનું આ એક ઉત્તમ ઉદાહરણ પૂરું પાડવામાં આવ્યું છે. આ સમગ્ર મિશનને સફળ બનાવવા માટે ભારતીય રેલવેના અધિકારીઓ, સ્થાનિક પોલીસ વિભાગ અને આરોગ્ય વિભાગ (Health Department) ના કર્મચારીઓ દ્વારા ઉત્કૃષ્ટ અને પ્રશંસનીય સંકલન કામગીરી કરવામાં આવી હતી. સમયસર લેવાયેલા નિર્ણયો અને તંત્રની સક્રિયતાને કારણે એક વળતો શ્વાસ અનેક પરિવાર માટે ખુશીઓ લઈને આવ્યો છે, જેના સમગ્ર પંથકમાં વ્યાપક પ્રશંસા થઈ રહી છે.

આ પણ વાંચો: Ahmedabad: મનપસંદ જીમખામાં ચાલતા જુગારના અડ્ડા પર SMC ની રેડ, 100થી વધુ જુગારીઓ પકડાયા