Gujarat First's Health Conclave: દર્દીઓની સેવામાં સમર્પિત Gujarat ના Real Health Icons ના સન્માનનો ભવ્ય સમારોહ

તબીબોની સેવા અને કર્તવ્યનિષ્ઠાનું સન્માન

આજના આ કોન્ક્લેવનો મુખ્ય ઉદ્દેશ્ય દિવસ-રાત દર્દીઓની સેવા કરીને સમાજમાં અનોખી મિસાલ કાયમ કરનારા અને આરોગ્ય ક્ષેત્રે ઉત્કૃષ્ટ યોગદાન આપનારા તબીબોને બિરદાવવાનો છે. મંત્રી પ્રફુલભાઈ પાનસેરિયાના હસ્તે આવા સેવાભાવી ડૉક્ટર્સને સન્માનિત કરવામાં આવી રહ્યા છે.

સ્વાસ્થ્ય યોજનાઓ પર નિખાલસ સંવાદ અને ભવિષ્યનું રોડમેપ

આ કોન્ક્લેવ દરમિયાન આરોગ્ય સંદર્ભે સરકાર દ્વારા ચલાવવામાં આવતી વિવિધ લોકકલ્યાણકારી યોજનાઓ અને તેના અમલીકરણ અંગે તજજ્ઞો સાથે નિખાલસ સંવાદ કરવામાં આવી રહ્યો છે. છેવાડાના માનવી સુધી મેડિકલ સુવિધાઓ કેવી રીતે ઝડપથી પહોંચાડી શકાય અને ઈમરજન્સી સેવાઓને વધુ સુદ્રઢ કેવી રીતે બનાવી શકાય ? તે અંગેની માહિતી પણ આપવામાં આવી.

નામાંકિત તજજ્ઞો, અગ્રણી હેલ્થકેર લીડર્સ અને હોસ્પિટલ એડમિનિસ્ટ્રેટર્સ એક મંચ પર

આ કાર્યક્રમમાં આરોગ્ય ક્ષેત્રના નામાંકિત તજજ્ઞો, અગ્રણી હેલ્થકેર લીડર્સ અને હોસ્પિટલ એડમિનિસ્ટ્રેટર્સ એક મંચ પર જોવા મળ્યા. આરોગ્ય મંત્રી પ્રફુલભાઈ પાનસેરિયાની વિશેષ ઉપસ્થિતિમાં સ્વાસ્થ્ય સેવાઓના આધુનિકીકરણ અંગે પણ સીધો સંવાદ યોજાયો.

આ પણ  વાંચો:  Gujarat First's Health Conclave : આરોગ્યમંત્રી પ્રફુલભાઈ પાનસેરિયાની હાજરીમાં સ્વાસ્થ્ય ક્ષેત્રે શ્રેષ્ઠ યોગદાન આપનારા તબીબોનું થશે સન્માન