Gujarat Rain Alert: તૈયાર રહેજો! આગામી 48 કલાકમાં બદલાશે હવામાન, જાણો ક્યાં ક્યાં પડશે ભારે વરસાદ

Gujarat માં ભારે વરસાદની આગાહી

હવામાન વિભાગના જણાવ્યા અનુસાર, આગામી 8 અને  9 ઓગસ્ટે રાજ્યમાં ભારે વરસાદની પ્રબળ શક્યતાઓ છે. દરિયાકાંઠાના વિસ્તારોમાં પવનની ગતિ તેજ રહી શકે છે, જેને ધ્યાનમાં રાખીને માછીમારોને દરિયો ન ખેડવા માટે ખાસ સૂચના જારી કરવામાં આવી છે.

કઈ તારીખે કયા જિલ્લામાં પડશે વરસાદ?

6ઓગસ્ટ (આજે): વડોદરા, છોટાઉદેપુર, નર્મદા, ભરૂચ, સુરત, તાપી, નવસારી, વલસાડ, ડાંગ તેમજ દમણ અને દાદરા-નગર હવેલીમાં હળવાથી મધ્યમ વરસાદની આગાહી કરવામાં આવી છે.

07 ઓગસ્ટ: અરવલ્લી, મહિસાગર, દાહોદ, છોટાઉદેપુર, વડોદરા, નર્મદા, ભરૂચ, સુરત, તાપી, નવસારી, વલસાડ, ડાંગ, દમણ અને દાદરા-નગર હવેલીમાં મેઘરાજા હળવાથી મધ્યમ સ્વરૂપે મહેરબાન રહેશે.

08 ઓગસ્ટ (યલો એલર્ટ): ખાસ કરીને ઉત્તર ગુજરાત અને પૂર્વ ગુજરાતના સાબરકાંઠા અને અરવલ્લી જિલ્લામાં ભારે વરસાદની સંભાવનાને ધ્યાનમાં રાખીને હવામાન વિભાગ દ્વારા 'યલો એલર્ટ'જાહેર કરવામાં આવ્યું છે.

09 ઓગસ્ટ (યલો એલર્ટ):વાવ, થરાદ, બનાસકાંઠા, સાબરકાંઠા અને અરવલ્લી જિલ્લામાં ભારેથી અતિભારે વરસાદની ચેતવણી સાથે યલો એલર્ટ યથાવત રાખવામાં આવ્યું છે.

ખેડૂતોમાં ખુશીની લહેર

આગામી દિવસોમાં વરસાદી માહોલ જામવાનો હોવાથી ખેડૂતોમાં પણ ખુશીની લહેર જોવા મળી રહી છે, જોકે નીચાણવાળા વિસ્તારોમાં સાવચેતી રાખવા તંત્ર દ્વારા અપીલ કરવામાં આવી છે.

આ પણ વાંચો: Mahisagar News: લુણાવાડામાં શરમજનક ઘટના, ટ્યુશન ક્લાસીસના સંચાલકે સગીર વિદ્યાર્થીની સાથે કરી છેડતી