સાવધાન રહેજો! ભારે વરસાદ અને પૂર વખતે શું કરવું અને શું ન કરવું? ખાસ વાંચો

શું કરવું? (Do's)

હવામાન વિભાગની આગાહી પર નજર રાખો: હવામાન વિભાગ (IMD) અથવા સ્થાનિક વહીવટી તંત્ર દ્વારા આપવામાં આવતી સત્તાવાર સૂચનાઓનું સતત પાલન કરો.

ઘરમાં જ સુરક્ષિત રહો: કોઈ અત્યંત જરૂરી કામ ન હોય તો ઘરની બહાર નીકળવાનું ટાળો અને સુરક્ષિત સ્થળે રહો.

ચાર્જિંગની તૈયારી: વીજળી ગુલ થવાની સ્થિતિમાં ઉપયોગી બને તે માટે મોબાઈલ ફોન અને પાવર બેંક (Power Bank) અગાઉથી ચાર્જ રાખવા.

જરૂરી કિટ તૈયાર રાખો: પીવાનું ચોખ્ખું પાણી, જરૂરી દવાઓ, ટોર્ચ, બેટરી, સૂકો નાસ્તો અને અગત્યના સરકારી દસ્તાવેજો (Documents) વોટરપ્રૂફ બેગમાં મજબૂતાઈથી સાચવીને રાખો.

વીજ ઉપકરણો બંધ કરો: ઘરમાં પૂર કે વરસાદનું પાણી પ્રવેશે તેવી સ્થિતિમાં તાત્કાલિક મુખ્ય વીજ સ્વીચ (Main Switch) બંધ કરી દેવી.

વાહન ધીમે ચલાવો: રસ્તા પર વાહન ચલાવતી વખતે હેડલાઇટ (Headlight) ચાલુ રાખવી અને આગળના વાહનથી પૂરતું અંતર જાળવીને વાહન અત્યંત ધીમે ચલાવવું.

શું ન કરવું? (Don'ts)

ભરાયેલા પાણીમાં ન જવું: રસ્તા પર ભરાયેલા પાણીમાં ચાલવું કે વાહન ચલાવવું જોખમી બની શકે છે, કારણ કે પાણીની અંદર ખુલ્લી ગટર (Gutter) કે ઊંડા ખાડા દેખાતા નથી.

વીજળીના થાંભલાથી દૂર રહો: ખુલ્લા વીજ વાયર, ટ્રાન્સફોર્મર કે વીજળીના થાંભલા નજીક જવું નહીં, કરંટ લાગવાનું જોખમ રહેલું છે.

નદી-નાળા કે ડેમ નજીક ન જવું: નદી, તળાવ કે ડેમ (Dam) કિનારે ન જવું, કારણ કે ઉપરવાસમાં વરસાદથી અચાનક પાણીનું સ્તર વધી શકે છે.

જૂની દિવાલ કે ઝાડ નીચે આશરો ન લેવો: ભારે પવન અને વરસાદમાં વૃક્ષ કે જૂની કાચી દિવાલ ધરાશાયી થઈ શકે છે, તેથી તેની નીચે ઊભા ન રહેવું.

અફવાઓથી બચો: સોશિયલ મીડિયા પર વહેતી ચકાસ્યા વગરની અફવાઓ પર વિશ્વાસ ન કરવો, માત્ર સત્તાવાર અને અધિકૃત માહિતી પર જ ભરોસો રાખવો.

ઈમરજન્સીમાં આ નંબરો પર સંપર્ક કરવો

કોઈપણ અકસ્માત કે પૂરની ઇમરજન્સી સ્થિતિમાં તાત્કાલિક સહાય માટે નીચે મુજબના હેલ્પલાઇન નંબર પર સંપર્ક સાધવા જણાવાયું છે:

112: ઇમરજન્સી સહાયતા સેવા

108: એમ્બ્યુલન્સ સેવા

આ સિવાય સ્થાનિક પોલીસ, ફાયર બ્રિગેડ (Fire Brigade) અને જિલ્લા કંટ્રોલ રૂમનો (District Control Room) સંપર્ક સાધી શકાય છે.

આ પણ વાંચો: અમદાવાદીઓ માટે અત્યંત ડરામણી આગાહી: રસ્તાઓ બની શકે છે નદી! 8 ઇંચથી વધુ વરસાદની આગાહી