Ambaji Controversy News: "મંજૂરી આપવી કે નહીં તે ટ્રસ્ટ નક્કી કરશે, હક્ક દાવો ન થઈ શકે" અંબાજી રાત્રિ પૂજા વિવાદ પર હાઇકોર્ટ

સુરક્ષા અને પરંપરા આધારે મર્યાદિત મંજૂરી: સરકાર

સુનાવણી દરમિયાન રાજ્ય સરકાર વતી કોર્ટમાં પક્ષ રજૂ કરવામાં આવ્યો હતો. સરકારે જણાવ્યું હતું કે, મંદિરની સુરક્ષા વ્યવસ્થા અને વર્ષો જૂની ધાર્મિક પરંપરાઓને ધ્યાનમાં રાખીને રાત્રિ પૂજા માટે ખૂબ જ મર્યાદિત ટ્રસ્ટોને જ આવી મંજૂરી આપવામાં આવતી હોય છે. સુરક્ષાના કારણોસર દરેકને આવી મંજૂરી આપવી શક્ય નથી.

હાઇકોર્ટે અરજદારને આપ્યો નિર્દેશ

ગુજરાત હાઇકોર્ટે સુનાવણી દરમિયાન નોંધ્યું હતું કે, અરજદાર ટ્રસ્ટને ભૂતકાળમાં રાત્રિ પૂજા માટેની મંજૂરી મળેલી છે. જોકે, વર્તમાન પરિસ્થિતિને ધ્યાનમાં રાખીને હાઇકોર્ટે અરજદારને નિર્દેશ આપ્યો છે કે તેઓ સીધા કોર્ટમાં આવવાને બદલે સૌપ્રથમ આરાસુરી અંબાજી ટ્રસ્ટ સમક્ષ પોતાની યોગ્ય રજૂઆત કરે. ટ્રસ્ટ દ્વારા લેવામાં આવનારા નિર્ણય બાદ જ આગળની સ્થિતિ સ્પષ્ટ થશે.

આ કેસની વધુ સુનાવણી હવે આવતીકાલે હાઇકોર્ટમાં હાથ ધરવામાં આવશે, જેમાં આગળની કાનૂની દલીલો પર કોર્ટ પોતાનો આદેશ આપી શકે છે.

આ પણ વાંચો: Gandhinagar News: વિદ્યાર્થીઓની શિષ્યવૃત્તિ અને સહાય અટકી, પ્રાથમિક શિક્ષક સંઘની શિક્ષણ મંત્રીને ઉગ્ર રજૂઆત