Gujarat: અંબાલાલ પટેલે રાજ્યમાં ઠંડી તથા ઉત્તરાયણ માટે જાણો શું કરી આગાહી

• Gujarat: ઉત્તર ભારતમાં શિત લહેરના કારણે ગુજરાતમાં ઠંડી આવી શકે છે
• 4 જાન્યુઆરી બાદ નબળો પશ્ચિમી વિક્ષેપ આવશે જે ઠંડી લાવશે
• ઉત્તર પર્વતિય પ્રદેશોમાં ભારે બરફવર્ષા થશે અને પવનના તોફાનો આવશે

Gujarat: હવામાન નિષ્ણાત અંબાલાલ પટેલે ગુજરાતના વાતાવરણ મામલે આગાહી કરી છે. જેમાં અંબાલાલ પટેલે જણાવ્યું છે કે આજે કેટલાક વિસ્તારોમાં કમોસમી વરસાદની શક્યતા છે. આકાશમાં વાદળો દૂર થતા જશે. તેમજ 2થી 4 જાન્યુઆરી દરમિયાન ગુજરાતમાં ઠંડીનો ચમકારો જોવા મળશે. તેમજ ઉત્તર પર્વતિય પ્રદેશોમાં ભારે બરફવર્ષા થશે અને પવનના તોફાનો આવશે.

Gujarat: ઉત્તર ભારતમાં શિત લહેરના કારણે ગુજરાતમાં ઠંડી

ઉત્તર ભારતમાં શિત લહેરના કારણે ગુજરાતમાં ઠંડી આવી શકે છે. તથા 4 જાન્યુઆરી બાદ નબળો પશ્ચિમી વિક્ષેપ આવશે જે ઠંડી લાવશે. તથા 11 જાન્યુઆરી ઠંડીના પવનો હાડ ધ્રુજાવશે. તેમજ ઉત્તર ગુજરાત, મધ્ય ગુજરાત, જુનાગઢ, રાજકોટ, મોરબી, સુરેન્દ્રનગરમાં ઠંડીનો ચમકારો જોવા મળે છે. તથા કચ્છના નલિયામાં ઠંડા પવનો ફૂંકાશે. તેમજ નલિયામાં ઠંડી 10 ડિગ્રીથી નીચે જઈ શકે છે. તેમજ ઉત્તરાયણમાં પવન સાનુકુળ રહેશે. તથા સવારે 5થી 6 કિમી પ્રતિ ઝડપે પવન ફૂંકાશે. બપોર થતા પવન ફૂંકાશે અને બપોર બાદ પણ પવન ફૂંકાશે.

18થી 21 જાન્યુઆરી પશ્ચિમિ વિક્ષેપ આવશે

ઉલ્લેખનીય છે કે 18થી 21 જાન્યુઆરી પશ્ચિમિ વિક્ષેપ આવશે તેનાથી ગુજરાતનું હવામાન પલટાશે. તથા લઘુત્તમ તાપમાન 10 ડિગ્રીથી નીચું જઈ શકે છે. જેમાં 24 જાન્યુઆરીથી ઠંડીનો ચમકારો વધશે. ગુજરાત ફર્સ્ટના ખાસ જનરથમાં ગુજરાતના આગાહીકાર અંબાલાલ પટેલે સાથે સીધો સંવાદ કરવામાં આવ્યો હતો.

અંબાલાલ પટેલે જણાવ્યું છે કે 2026માં શનિ મીન રાશિમાં પ્રવેશ કરશે

અંબાલાલ પટેલે દેશ અને દુનિયા માટે નવું વર્ષ એટલે 2026 કેવું રહેશે તે અંગે જણાવ્યું છે. અંબાલાલ પટેલે જણાવ્યું છે કે 2026માં શનિ મીન રાશિમાં પ્રવેશ કરશે, અને તેનો પ્રભાવ એ છે કે આ સમયે વૈશ્વિક સ્તરે આગ, અકસ્માત ઘટના બનવાની શક્યતા છે. જેમ કે દેશ-દુનિયામાં વાવાઝોડાંની સમસ્યામાં વધારો થઈ શકે છે. તેઓ માને છે કે 2026માં મીન રાશિના શનિનો પ્રભાવ એવું હોય કે કેટલાય દેશોમાં પૂર અને પ્રકૃતિની આપત્તિઓ થવાનો સંકેત છે.

આ પણ વાંચો: Gujarat 2026: નવા વર્ષમાં કેટલાક વિસ્તારોમાં કમોસમી વરસાદ, ઠંડીનો પારો ગગડ્યો