હવે લાઈનમાં ઊભા રહેવાથી મુક્તિ! ઓનલાઇન પોર્ટલ પરથી મળશે ડિજિટલ મેરેજ સર્ટિફિકેટ

ઓનલાઇન પોર્ટલ પર જ કરી શકાશે ડોક્યુમેન્ટ અપલોડ

નવી ઓનલાઇન વ્યવસ્થા હેઠળ અરજદારોએ હવે રજિસ્ટ્રેશન માટે કચેરીઓના ચક્કર કાપવાની જરૂર નહીં રહે. મેરેજ સર્ટિફિકેટ મેળવવા માટે જરૂરી તમામ દસ્તાવેજો ઓનલાઇન પોર્ટલ (Online Portal) પર જ અપલોડ કરવાના રહેશે. અરજીની ચકાસણી થયા બાદ અરજદારને એક ચોક્કસ સમય ફાળવવામાં આવશે. ફાળવેલા સમય મુજબ જ કચેરીએ પહોંચીને સીધું જ મેરેજ સર્ટિફિકેટ મેળવી શકાશે.

QR કોડ સ્કેન કરતાં જ મળી જશે તમામ વિગતો

આ ડિજિટલ મેરેજ સર્ટિફિકેટની સૌથી મોટી વિશેષતા એ છે કે તેમાં એક વિશેષ ક્યુઆર કોડ (QR Code) આપવામાં આવશે. આ ક્યુઆર કોડને સ્કેન કરવાથી લગ્ન અને દંપતી સંબંધિત વિગતો તરત જ ઓનલાઇન જોઈ શકાશે. આનાથી પ્રમાણપત્રની ચકાસણી (Verification) પ્રક્રિયા અત્યંત સરળ અને પારદર્શી બનશે તેમજ નકલી પ્રમાણપત્રોની સ સમસ્યા પર પણ લગામ લાગશે.

અરજદારોને મળશે મોટી રાહત

ઉલ્લેખનીય છે કે, અત્યાર સુધી મેરેજ સર્ટિફિકેટ કઢાવવા માટે નાગરિકોએ તમામ કાગળો લઈને વારંવાર કચેરીએ જવું પડતું હતું અને લાંબી લાઈનોમાં ઉભા રહેવું પડતું હતું. પરંતુ હવે પેપરલેસ અને ડિજિટલ કામગીરી શરૂ થવાથી રાજ્યના હજારો લોકોને મોટી રાહત મળશે.

આ પણ વાંચો: અંબાજીના પેટ્રોલ પંપ પર ગોઝારો અકસ્માત: કાર ખાટલા સાથે અથડાતાં ટેન્કર ચાલકનું મોત