Gujarat Weather: સાવધાન! રાજ્યમાં ફરી ગાજવીજ સાથે વરસાદની આગાહી, જાણો કેટલા દિવસ રહેશે વરસાદી માહોલ

મોન્સૂન ટ્રફ અને વેસ્ટર્ન ડિસ્ટર્બન્સ સક્રિય

હવામાન વિભાગના જણાવ્યા અનુસાર હાલ મોન્સૂન ટ્રફ સક્રિય છે અને તેની સાથે વેસ્ટર્ન ડિસ્ટર્બન્સની અસર પણ જોવા મળી રહી છે. આ બંને હવામાન પ્રણાલીના કારણે રાજ્યમાં વરસાદી પ્રવૃત્તિમાં વધારો થવાની સંભાવના છે. ખાસ કરીને ઉત્તર ગુજરાત, મધ્ય ગુજરાત, દક્ષિણ ગુજરાત તેમજ સૌરાષ્ટ્રના કેટલાક વિસ્તારોમાં ગાજવીજ અને પવન સાથે વરસાદ પડી શકે છે.

Advertisement

માછીમારોને દરિયો ન ખેડવાની સૂચના

દરિયામાં પવનની ગતિ વધવાની શક્યતાને ધ્યાનમાં રાખીને માછીમારોને આગામી દિવસોમાં દરિયો ન ખેડવાની ખાસ સૂચના આપવામાં આવી છે. દરિયાકાંઠાના વિસ્તારોમાં રહેતા લોકોને પણ સતર્ક રહેવા અને હવામાન વિભાગની સૂચનાઓનું પાલન કરવાની અપીલ કરવામાં આવી છે.

રાજ્યમાં સરેરાશ કરતાં વધુ વરસાદ

હવામાન વિભાગના આંકડા મુજબ 1 જૂનથી 7 ઓગસ્ટ દરમિયાન રાજ્યમાં કુલ 481 મીમી વરસાદ નોંધાયો છે. આ આંકડો રાજ્યના સિઝનના સામાન્ય વરસાદની સરખામણીએ આશરે 11 ટકા વધુ છે. સારા વરસાદને કારણે અનેક જળાશયો અને ડેમોમાં પાણીની આવકમાં વધારો થયો છે, જેના કારણે પીવાના પાણી અને સિંચાઈ માટે રાહત મળી છે.

સૌરાષ્ટ્ર-કચ્છમાં વરસાદની ઘટ

રાજ્યમાં કુલ વરસાદ સામાન્ય કરતાં વધુ હોવા છતાં સૌરાષ્ટ્ર અને કચ્છ વિસ્તારમાં હજુ વરસાદની ઘટ નોંધાઈ રહી છે. આ વિસ્તારમાં અત્યાર સુધી સામાન્ય કરતાં લગભગ 15 ટકા ઓછો વરસાદ નોંધાયો છે. આગામી દિવસોમાં અહીં પણ સારો વરસાદ થાય તેવી સંભાવના હવામાન વિભાગે વ્યક્ત કરી છે.

આ પણ વાંચોઃMahisagar: આંબા ગામે 66KV સબ-સ્ટેશનનું લોકાર્પણ, 22 ગામને મળશે 24 કલાક વીજ પુરવઠો

આ પણ વાંચોઃKheda: હાથનોલીમાં મોત પછી પણ મુશ્કેલી ભર્યો મારગ, કીચડમાંથી નીકળી અંતિમયાત્રા