AMC નો મોટો નિર્ણય: કાંકરિયા અને રિવરફ્રન્ટ પર જયા-પાર્વતી વ્રતનું વિશેષ આયોજન મોકૂફ

આજે 31 જુલાઈના રોજ અમદાવાદ (Ahmedabad) અને દક્ષિણ ગુજરાત (South Gujarat) ના જિલ્લાઓમાં રેડ એલર્ટ (Red Alert) જાહેર કરવામાં આવ્યું છે. જ્યારે 1 ઓગસ્ટના રોજ ઉત્તર ગુજરાત (North Gujarat) માં ઓરેન્જ એલર્ટ (Orange Alert) ની આગાહી વચ્ચે તંત્રને એલર્ટ મોડ પર મૂકવામાં આવ્યું છે.

AMC નો મોટો નિર્ણય: સ્કૂલોમાં રજા અને જયા-પાર્વતી વ્રતના કાર્યક્રમો મોકૂફ

અત્યંત ભારે વરસાદની આગાહીને પગલે અમદાવાદ મ્યુનિસિપલ કોર્પોરેશન (Ahmedabad Municipal Corporation - AMC) દ્વારા નાગરિકોની સુરક્ષા માટે આગોતરા પગલાં લેવામાં આવ્યા છે. શહેરમાં તમામ સ્કૂલ-કોલેજોમાં શૈક્ષણિક કાર્ય બંધ રાખી રજા જાહેર કરવામાં આવી છે, તેમજ કાંકરિયા લેક ગાર્ડન (Kankaria Lake Garden) ને 2 દિવસ માટે સજ્જડ બંધ રાખવાનો નિર્ણય કરાયો છે.

આ ઉપરાંત, જયા-પાર્વતી વ્રત (Jaya-Parvati Vrat) નિમિત્તે સાબરમતી રિવરફ્રન્ટ (Sabarmati Riverfront) અને કાંકરિયા લેક ખાતે યોજાનાર વિશેષ રાત્રી આયોજન પણ તકેદારીના ભાગરૂપે મોકૂફ રાખવામાં આવ્યું છે. એએમસી (AMC) દ્વારા સ્પષ્ટ જણાવાયું છે કે "લોકોની સલામતી અમારી પ્રાથમિકતા છે" અને નાગરિકોને સહયોગ આપવા અપીલ કરાઈ છે.

147 નીચાણવાળા સ્થળો પર જળભરાવનું જોખમ

શહેરમાં જો વધુ મુસળધાર વરસાદ પડશે તો આશરે 147 જગ્યાઓ પર પાણી ભરાવવાની ગંભીર શક્યતા વ્યક્ત કરવામાં આવી છે. આ સંવેદનશીલ સ્પોટ્સ પર પાણીના ઝડપી નિકાલ માટે ડીવોટરિંગ પંપ અને ઇમરજન્સી રેસ્ક્યૂ ટીમો તૈનાત રાખવામાં આવી છે. તંત્ર દ્વારા તમામ નાગરિકોને બિનજરૂરી બહાર ન નીકળવા અને સુરક્ષિત સ્થળોએ રહેવા માટે તાકીદ કરવામાં આવી છે.

આ પણ વાંચો: Ahmedabad Rain: અમદાવાદમાં આકાશી આફત! ભારે પવન સાથે ધોધમાર વરસાદ