Gujarat Rain Update: ગુજરાતમાં 24 કલાકમાં 52 તાલુકામાં વરસાદ, નવસારી અને વલસાડમાં જામ્યો વરસાદી માહોલ

નવસારીમાં મેઘરાજાની તોફાની બેટિંગ

નવસારીમાં આજે વહેલી સવારથી જ વાતાવરણમાં ભારે પલટો જોવા મળ્યો છે. શહેરના મોટાભાગના વિસ્તારોમાં મેઘરાજાએ ધમાકેદાર એન્ટ્રી કરી છે. ભારે પવન અને વાવાઝોડા જેવા માહોલ સાથે વરસી રહેલા વરસાદને કારણે સમગ્ર પંથકમાં ચોમાસું વિધિવત બેસી ગયું હોય તેવો માહોલ સર્જાયો છે. નવસારી શહેર ઉપરાંત આસપાસના ગ્રામ્ય વિસ્તારોમાં પણ સવારથી જ મેઘવર્ષા ચાલુ રહેતા સ્થાનિકોમાં ખુશીની લહેર જોવા મળી રહી છે.

વલસાડમાં સતત બીજા દિવસે વરસાદ

દક્ષિણ ગુજરાતના વલસાડ જિલ્લામાં પણ મેઘરાજાની મહેર યથાવત છે. સતત બીજા દિવસે વલસાડ શહેર અને આસપાસના વિસ્તારોમાં વરસાદી ઝાપટા પડ્યા છે. તિથલ રોડ, હાલર રોડ, રામવાડી, સેગવી અને કોસંબા જેવા વિસ્તારોમાં સવારથી જ વરસાદનું આગમન થયું છે. સતત બે દિવસના વરસાદને પગલે વાતાવરણમાં ઠંડક પ્રસરી ગઈ છે અને ગરમીથી પરેશાન લોકોને કાયમી રાહત મળી છે.

આ પણ વાંચો:  CM Bhupendrabhai patel એ સ્વાગત ઓનલાઈન કાર્યક્રમમાં છોટાઉદેપુર અને મહેસાણાના અધિકારીઓનો ઉધડો લીધો, આપ્યા કડક આદેશ