Gujarat Rajya Sabha Election: ભાજપ ટૂંક સમયમાં જાહેર કરશે 4 ઉમેદવારોના નામ, કોને મળશે રાજ્યસભાની ટિકિટ?

Gujarat Rajya Sabha Election: ગુજરાતમાં રાજ્યસભાની 4 બેઠકો માટેની ચૂંટણીને લઈને રાજકીય માહોલ ગરમાયો છે. આ ચૂંટણી માટે ઉમેદવારી ફોર્મ ભરવાની અંતિમ તારીખ 8 જૂન છે, જેને ધ્યાનમાં રાખતા ભાજપ દ્વારા આગામી 6 કે 7 જૂન આસપાસ પોતાના ચાર ઉમેદવારોના નામની સત્તાવાર જાહેરાત કરવામાં આવે તેવી પ્રબળ શક્યતા છે.

બિનહરીફ જીતની શક્યતા

વિધાનસભાના વર્તમાન સંખ્યાબળને જોતા ભાજપ આ ચારેય બેઠકો સરળતાથી જીતી શકે તેમ છે. જો કોંગ્રેસ અને આમ આદમી પાર્ટી (AAP) પોતાના ઉમેદવારો મેદાનમાં નહીં ઉતારે, તો ભાજપના ઉમેદવારો બિનહરીફ વિજેતા બની શકે છે.

નો-રિપીટેશન થિયરી

ભાજપ આ વખતે 'નો-રિપીટેશન થિયરી' અપનાવી શકે છે. હાલ જે સાંસદોનો કાર્યકાળ પૂર્ણ થઈ રહ્યો છે (જેમાં રામ મોકરિયા, નરહરિ અમીન, રમીલાબેન બારા અને શક્તિસિંહ ગોહિલની બેઠકોનો સમાવેશ થાય છે), તેમને ફરીથી તક મળવાની શક્યતા ઓછી છે.

સામાજિક અને જાતિગત સમીકરણ

ભાજપ ઉમેદવારોની પસંદગીમાં જાતિગત સમીકરણો અને નવા યુવા ચહેરાઓને વિશેષ મહત્વ આપશે. જેમાં પાટીદાર, બ્રાહ્મણ, આદિવાસી, ઓબીસી કે દલિત સમાજને પ્રતિનિધિત્વ મળી શકે છે.

મહિલા ઉમેદવાર

પક્ષ દ્વારા ચાર પૈકી એક બેઠક પર મહિલા ઉમેદવારને તક આપવામાં આવે તેવી પણ પ્રબળ ચર્ચાઓ ચાલી રહી છે.

આ પણ વાંચો:  Bhavnagar ના મેયર ઉષાબેન તલરેજા પદ સંભાળતા જ આવ્યા વિવાદમાં, કોંગ્રેસે ફટકારી લીગલ નોટિસ