Gujarat RTO News: ગુજરાતમાં RTO પોર્ટલ ખોટકાયું, 30,000 અરજદારો અટવાયા, દિલ્હીની ટીમ મેદાનમાં

Gujarat ની RTO કચેરીઓ ઠપ

ખાસ કરીને અમદાવાદ સહિતની મુખ્ય આરટીઓ કચેરીઓમાં દર ત્રીજે દિવસે પોર્ટલ બંધ થઈ જતું હોવાથી અરજદારો પરેશાન થઈ રહ્યા છે.અમદાવાદ આરટીઓ કચેરીની વ્યથા તો ત્યાં સુધી છે કે, કર્મચારીઓએ કામગીરી ચાલુ રાખવા માટે 45 જેટલા અલગ-અલગ લોગિન પાસવર્ડ યાદ રાખવા પડે છે, જે પોર્ટલની જટિલતા અને ટેકનિકલ નબળાઈ દર્શાવે છે.

ગુજરાતની RTO કચેરીઓમાં દિલ્હીની ટીમના ધામા

આ ગંભીર પરિસ્થિતિને ધ્યાનમાં રાખીને, હવે દિલ્હીથી આવેલી સ્પેશિયલ ટેકનિકલ ટીમે ગુજરાતમાં ધામા નાખ્યા છે અને પોર્ટલના સર્વર તથા અન્ય ખામીઓ સુધારવા કવાયત શરૂ કરી છે. આરટીઓ અધિકારીઓએ પણ આ સમસ્યાના કાયમી ઉકેલ માટે કેટલાક મહત્વના સૂચનો સરકાર સમક્ષ રજૂ કર્યા છે, જેથી નાગરિકોની મુશ્કેલીઓનો અંત આવી શકે.

આ પણ વાંચો: Rajkot Police: એસપી વિજયસિંહ ગુર્જર સામે આક્ષેપ કરનાર પોલીસ કોન્સ્ટેબલ સસ્પેન્ડ, હવે થશે ખાતાકીય તપાસ