Gujarat Education News: ગુજરાતમાં શિક્ષણ વ્યવસ્થા ખોરવાઈ, નવા સત્રના એક મહિના બાદ પણ 6 હજારથી વધુ શિક્ષકોની જગ્યાઓ ખાલી!

Gujarat માં શિક્ષણ વ્યવસ્થા પર સંકટ

 ગુજરાત રાજ્ય શાળા સંચાલક મંડળના અધ્યક્ષ ભાસ્કર પટેલના જણાવ્યા મુજબ રાજ્યની ગ્રાન્ટેડ શાળાઓમાં શિક્ષકોની અંદાજે 6,000 જેટલી જગ્યાઓ ખાલી પડી છે. સંચાલકોના જણાવ્યા મુજબ, શિક્ષકોને તેમના ઘરથી દૂર ખૂબ જ અંતરિયાળ વિસ્તારોમાં બદલીના ઓર્ડર આપવામાં આવે છે. જેના કારણે શિક્ષકો ત્યાં હાજર થવાનું ટાળે છે અથવા રાજીનામા આપી દે છે, પરિણામે વિદ્યાર્થીઓને ભણાવનાર કોઈ મળતું નથી.

સરકાર સામે રજૂઆત

આ ગંભીર સમસ્યાના ઉકેલ માટે રાજ્ય શાળા સંચાલક મંડળે સરકાર સમક્ષ માંગણી કરી છે. મંડળના ભાસ્કર પટેલે જણાવ્યું હતું કે, જો સરકાર ભરતી પ્રક્રિયામાં વિલંબ કરી રહી હોય, તો અમને સ્થાનિક કક્ષાએ 'પ્રવાસી શિક્ષકો'ની પસંદગી કરવાની છૂટ આપવામાં આવે. આ છૂટ મળવાથી વિદ્યાર્થીઓના અભ્યાસનું જે નુકસાન થઈ રહ્યું છે તેને અટકાવી શકાય તેમ છે.

આ પણ વાંચો:  Gujarat Mega Quiz Contest: શું તમે છો ગુજરાતના અસલી જીનિયસ? ઘરે બેઠા રમો અને જીતો આકર્ષક ઇનામો