Ahmedabad Mobile Ban In Schools: રાજ્યની શાળાઓમાં વિદ્યાર્થીઓમાં મોબાઈલનું ચલણ ખુબ વધી ગયું છે જેની ભણતર પર ખરાબ અસર થઈ રહી છે ત્યારે હવે રાજ્યની શાળાઓમાં બાળકો દ્વારા વધતા જતા મોબાઈલ ફોનના ઉપયોગને લઈને કડક પગલાં લેવાની માંગ ઉઠી છે. ગુજરાત રાજ્ય શાળા સંચાલક મંડળ દ્વારા રાજ્યના શિક્ષણમંત્રીને સત્તાવાર રજૂઆત કરવામાં આવી છે, જેમાં ધોરણ 1 થી 10 ના વિદ્યાર્થીઓ માટે સ્કૂલ અને શૈક્ષણિક પરિસરમાં મોબાઈલ ફોનના ઉપયોગ પર સંપૂર્ણ પ્રતિબંધ મૂકવાની માંગ કરવામાં આવી છે.
ગુજરાત રાજ્ય શાળા સંચાલક મંડળે શિક્ષણમંત્રીને કરી રજૂઆત
ગુજરાત રાજ્ય શાળા સંચાલક મંડળે શિક્ષણમંત્રીને કરી રજૂઆત કરી છે. જેમાં શાળા સંચાલક મંડળના પ્રમુખ ભાસ્કર પટેલે રજૂઆતમાં સ્પષ્ટ ઉલ્લેખ કર્યો છે કે આજના સમયમાં બાળકોમાં મોબાઈલ ફોનનો વધતો વ્યાપ અને લત તેમના શૈક્ષણિક વાતાવરણ, માનસિક વિકાસ તેમજ અભ્યાસ પર ખૂબ જ નસીબ નરસંસ્કાર અને વિપરીત અસરો પાડી રહી છે. વિદ્યાર્થીઓ અભ્યાસમાંથી ધ્યાન ભટકીને મોબાઈલ સ્ક્રીન તરફ વધારે આકર્ષાઈ રહ્યા છે, જેના કારણે શિસ્ત અને શિક્ષણ બંને જોખમાઈ રહ્યા છે.
શિક્ષણ માટે જ્યાં મોબાઇલ જરૂરી હોય ત્યાં યોગ્ય માર્ગદર્શિકા બનાવવાની માંગ
આ અંગે વાત કરતા સંચાલક મંડળના પ્રમુખ ભાસ્કર પટેલે જણાવ્યું હતું કે, અગાઉ વર્ષ 2010 માં રાજ્ય સરકાર દ્વારા શાળાઓમાં મોબાઈલ પ્રતિબંધ અંગેનો પરિપત્ર બહાર પાડવામાં આવ્યો હતો, પરંતુ હાલમાં તેનું ચુસ્તપણે પાલન થતું નથી. તેથી આ પરિપત્રનું રાજ્યની તમામ શાળાઓમાં કડકાઈથી પાલન થાય તે સુનિશ્ચિત કરવું જોઈએ. જો કે, જ્યાં શૈક્ષણિક કાર્ય કે ટેકનોલોજી આધારિત શિક્ષણ માટે મોબાઈલ અનિવાર્ય કે જરૂરી હોય, તેવા કિસ્સાઓમાં સરકાર દ્વારા સ્પષ્ટ અને યોગ્ય માર્ગદર્શિકા બનાવવામાં આવે તેવી પણ માંગ કરાઈ છે.
આ પણ વાંચો: Rajkot Dashama Vrat controversy: "દશામાંનો શાસ્ત્રોમાં પણ ઉલ્લેખ નથી" જયંત પંડ્યાના નિવેદનથી શ્રદ્ધાળુઓમાં રોષ
