Gujarat Weather Update: ગુજરાતમાં આગામી 7 દિવસ હળવાથી મધ્યમ વરસાદની આગાહી, અમદાવાદમાં કેવું રહેશે વાતાવરણ?

Gujarat માં આગામી 7 દિવસ વરસાદની આગાહી

આગામી સાત દિવસ રાજ્યભરમાં માત્ર હળવાથી મધ્યમ વરસાદની જ શક્યતાઓ છે. વ્યાપક કે ભારે વરસાદનું કોઈ જોખમ હાલ નથી જો કે, દરિયાકાંઠાના વિસ્તારોમાં પવનની દિશા દક્ષિણ-પશ્ચિમથી પશ્ચિમ તરફની રહેશે, જેના કારણે તટીય ક્ષેત્રોમાં સામાન્યથી થોડો ભારે પવન ફૂંકાઈ શકે છે.

માછીમારો માટે રાહત

હાલની સ્થિતિ જોતાં માછીમારો માટે દરિયો ખેડવા અંગે કોઈપણ પ્રકારની ચેતવણી કે પ્રતિબંધક સૂચના જારી કરવામાં આવી નથી.

અમદાવાદનું વાતાવરણ કેવું રહેશે?

અમદાવાદ શહેરમાં આગામી દિવસોમાં આકાશ સામાન્ય રીતે વાદળછાયું રહેશે અને છૂટાછવાયા વિસ્તારોમાં હળવા વરસાદની શક્યતા વ્યક્ત કરવામાં આવી છે.

હવામાનની સિસ્ટમ

હાલમાં મોનસુન ટર્ફ સિસ્ટમ બિકાનેર, દિલ્હી, લખનઉ, પટના થઈને પૂર્વ દિશામાં મણિપુર સુધી વિસ્તરેલી છે. આ ઉપરાંત, રાજસ્થાન અને તેની ઉત્તર-પૂર્વ દિશામાં સાયક્લોનિક સર્ક્યુલેશન તેમજ ટ્રાફ હજુ પણ સક્રિય હોવાને કારણે ભેજનું પ્રમાણ જળવાઈ રહ્યું છે.

આ પણ વાંચો: Rajkot News: રાજકોટની બાલાજી હોસ્પિટલમાં બેદરકારીથી મહિલાના મોતનો આક્ષેપ, ડો. કવિતા લાધાણીએ આપ્યો જવાબ