Gujarat Weather Update: આગામી 3 કલાક માટે હવામાન વિભાગની ભયાનક આગાહી, આ જિલ્લાઓમાં વીજળીના કડાકા સાથે વરસાદની શક્યતા

Gujarat માં જિલ્લાવાર હવામાનની સ્થિતિ અને આગાહી

અમદાવાદ અને ગાંધીનગર (Ahmedabad - Gandhinagar):

અમદાવાદ જિલ્લામાં ગાજવીજ સાથે હળવા વરસાદની શક્યતા છે. જ્યારે ગાંધીનગર જિલ્લામાં તેજ પવન ફૂંકાવા સાથે વીજળી પડવાની (Lightning strike) શક્યતા વ્યક્ત કરવામાં આવી છે. તંત્ર દ્વારા લોકોને સાવચેત રહેવા સૂચના આપવામાં આવી છે.

Gujarat rain forecast: રાજ્યમાં આગામી 24 કલાક માવઠાની આગાહી
રાજ્યમાં વાદળછાયુ વાતાવરણ રહેવાની શક્યતા
ઉત્તર-પૂર્વ ગુજરાતમાં હળવા વરસાદની આગાહી
સૌરાષ્ટ્ર-દક્ષિણ ગુજરાતમાં છૂટાછવાયા વરસાદની આગાહી
સાબરકાંઠા, અરવલ્લીમાં માવઠાની આગાહી
મહીસાગર, છોટાઉદેપુરમાં માવઠાની શક્યતા
નર્મદા,… pic.twitter.com/vGwgKIgZGJ

— Gujarat First (@GujaratFirst) February 24, 2026

મધ્ય અને દક્ષિણ ગુજરાત (Central & South Gujarat):

વડોદરા (Vadodara) જિલ્લાના કેટલાક વિસ્તારોમાં ભારે વરસાદની આગાહી છે. સુરત (Surat), ભરૂચ (Bharuch), નર્મદા અને તાપી (Tapi) જિલ્લામાં પણ હળવા વરસાદી ઝાપટાં પડી શકે છે.

સૌરાષ્ટ્ર અને કચ્છ (Saurashtra & Kutch):

રાજકોટ (Rajkot) અને ભાવનગરમાં ગાજવીજ સાથે વરસાદની ચેતવણી આપવામાં આવી છે. કચ્છ (Kutch) જિલ્લામાં વરસાદની સાથે 30-40 કિમી/કલાકની ઝડપે તેજ પવન ફૂંકાવાની શક્યતા છે. મોરબી અને જામનગરમાં પણ માવઠાની વકી છે.

ઉત્તર ગુજરાત (North Gujarat):

બનાસકાંઠા (Banaskantha), સાબરકાંઠા અને મહેસાણા (Mehsana) જિલ્લામાં મેઘગર્જના સાથે અચાનક વરસાદી ઝાપટાં પડી શકે છે.

અરવલ્લી જિલ્લાના વાતાવરણમાં આવ્યો પલટો

અરવલ્લી (Aravalli) જિલ્લાના મોડાસા (Modasa) સહિતના પંથકમાં વહેલી સવારથી જ વરસાદી છાંટા પડતા વાતાવરણમાં ઠંડક પ્રસરી છે. તેમજ જિલ્લામાં હાલ પણ વાદળછાયું વાતારણ યથાવત જોવા મળી રહ્યું છે.

ખેડૂતોની ચિંતામાં વધારો (Concerns for Farmers):

કમોસમી વરસાદ (Unseasonal Rain) અથવા માવઠાના કારણે ખેડૂતો ભારે મુશ્કેલીમાં મુકાયા છે. હાલમાં ખેતરોમાં રવિ પાક (Rabi Crops) તૈયાર થવાની તૈયારીમાં છે.

બટાકા (Potato), ઘઉં (Wheat) અને ચણા (Gram) જેવા તૈયાર પાકને આ વરસાદથી મોટું નુકસાન થવાની શક્યતા છે. વાદળછાયા વાતાવરણ (Cloudy Weather) અને માવઠાને લીધે પાકમાં રોગચાળો વધવાની દહેશત પણ ખેડૂતો વ્યક્ત કરી રહ્યા છે.

તાપમાન અને પવનની ગતિ

હવામાન વિભાગના જણાવ્યા અનુસાર, આગામી 24 કલાકમાં મહત્તમ અને લઘુત્તમ તાપમાનમાં 2 થી 3 ડિગ્રી સેલ્સિયસનો ઘટાડો થઈ શકે છે. પવનની ગતિ (Wind speed) તેજ રહેશે અને ગાજવીજ સાથે વાતાવરણમાં પલટો યથાવત રહેશે. શિયાળુ પાકની લણણી સમયે જ કુદરતનો આ મિજાજ ખેતી માટે 'આફત' સમાન સાબિત થઈ શકે છે.

આ પણ વાંચો :  Gujarat News: આજે 24 ફેબ્રુઆરી 2026 ના દિવસે શું થશે ગુજરાતમાં?