31 જુલાઈ: વડોદરા, આણંદ અને પંચમહાલમાં પર્પલ ઝોનનો ખતરો
રડાર ટ્રેકિંગના આધારે 31 જુલાઈની સાંજે વડોદરા (Vadodara) અને પંચમહાલ (Panchmahal) જિલ્લામાં અતિ-તીવ્ર પર્પલ ઝોન સક્રિય થશે. આ સિવાય આણંદ (Anand), ખેડા (Kheda) અને છોટાઉદેપુર (Chhota Udepur) જિલ્લામાં પણ પર્પલ ઝોનને કારણે આભ ફાટે તેવો અતિ-ભારે વરસાદ પડવાનું ભારે જોખમ રહેલું છે.
1 ઓગસ્ટે અમદાવાદ, ગાંધીનગરમાં 'પર્પલ કોર' સક્રિય થશે, પૂરની સ્થિતિ
સેટેલાઇટ વિગતો મુજબ, 1 ઓગસ્ટની વહેલી સવારે અમદાવાદ (Ahmedabad), ગાંધીનગર (Gandhinagar) અને મહેસાણા (Mehsana) જિલ્લાઓમાં વરસાદનો અત્યંત ભયાનક 'પર્પલ કોર' (Purple Core) સક્રિય થવાની પ્રબળ શક્યતા છે. જો 1 ઓગસ્ટે આ પર્પલ કોર સક્રિય થશે તો આ વિસ્તારોમાં ટૂંકા સમયમાં જ જળબંબાકાર અને ભયાનક પૂર (Flood Situation) જેવી ગંભીર પરિસ્થિતિ સર્જાઈ શકે છે.
ઉત્તર ગુજરાતમાં 'રેડ એલર્ટ' સમાન પરિસ્થિતિ
સિસ્ટમની ગતિવિધિ દર્શાવે છે કે દક્ષિણ ગુજરાતથી (South Gujarat) શરૂ કરીને મધ્ય ગુજરાત (Central Gujarat) સુધી આખું ક્ષેત્ર પર્પલ ઝોનની ચપેટમાં આવી શકે છે. આ ઉપરાંત ઉત્તર ગુજરાતના (North Gujarat) પાટણ (Patan), બનાસકાંઠા (Banaskantha) અને સાબરકાંઠા (Sabarkantha) જિલ્લાના વિસ્તારો માટે પણ આ સ્થિતિ અત્યંત ગંભીર એટલે કે 'રેડ એલર્ટ' (Red Alert) સમાન બની રહેશે. આ ભયાનક આગાહીને ધ્યાનમાં રાખીને તમામ સંબંધિત જિલ્લા વહીવટી તંત્રો અને આપત્તિ વ્યવસ્થાપન ટીમોને (NDRF/SDRF) હાઇ એલર્ટ પર મૂકી દેવામાં આવ્યા છે.
પર્પલ ઝોનનો અર્થ અને શા માટે ખતરનાક ગણાય છે?
સેટેલાઇટ/રડાર મેપિંગ (જેમ કે Windy કે IMD ના રડાર) માં 'પર્પલ ઝોન' એ વરસાદની અત્યંત ભયાનક અને આત્યંતિક તીવ્રતા દર્શાવતો રંગ છે. પર્પલ ઝોન સક્રિય થાય ત્યારે કલાકોના બદલે ગણતરીની મિનિટો કે 1-2 કલાકમાં જ 4 થી 8 ઇંચ કે તેથી વધુ વરસાદ ખાબકી શકે છે. આ ઝોનમાં વાદળોમાં ભેજનું પ્રમાણ અને વરસાદનો દર સૌથી ઉચ્ચતમ સ્તરે હોય છે. આટલા ટૂંકા સમયમાં પડેલા અતિ-ભારે વરસાદને કારણે પાણીનો નિકાલ થઈ શકતો નથી અને નદી-નાળાંમાં અચાનક પૂર આવી જાય છે. ટૂંકમાં, હવામાન આગાહીમાં 'પર્પલ ઝોન' એ રેડ એલર્ટથી પણ એક કદમ આગળની આત્યંતિક પરિસ્થિતિ અને જળપ્રલયનો સંકેત આપે છે.
આ પણ વાંચો: અમદાવાદીઓ માટે અત્યંત ડરામણી આગાહી: રસ્તાઓ બની શકે છે નદી! 8 ઇંચથી વધુ વરસાદની આગાહી
