Gujarat : અમદાવાદ સહિત રાજ્યમાં ઠંડીનું જોર વધ્યુ તથા ભાવનગરમાં બનાવટી ચલણી નોટોના રેકેટનો પર્દાફાશ થયો તેમજ આજે આણંદમાં ABVPનું 57મું રાષ્ટ્રીય અધિવેશન યોજાશે તથા સુરત ડીંડોલી હિટ એન્ડ રનમાં આરોપીની ધરપકડ કરાઇ છે. જેમાં 28 ડિસેમ્બરે ડીંડોલીમાં હિડ એન્ડ રનની ઘટના બની હતી તેમજ સુરેન્દ્રનગર જમીન કૌભાંડ કેસમાં સૌથી મોટા સમાચાર સામે આવ્યા જેવા વિવિધ સમાચાર જાણવા અમારી સાથે જોડાયેલા રહો સતત...
અમદાવાદ સહિત રાજ્યમાં ઠંડીનું જોર વધ્યુ
છેલ્લા ત્રણ દિવસથી રાજ્યમાં કડકડતી ઠંડી પડી રહી છે. જેમાં અમદાવાદ સહિત રાજ્યમાં ઠંડીનું જોર વધ્યુ છે. ઉત્તર પૂર્વના પવનો ફૂંકાવાને લીધે ઠંડીનો ચમકારો જોવા મળ્યો છે. રાજ્યના 8 શહેરોમાં તાપમાનનો પારો 15 ડિગ્રીથી નીચે ગયો છે. રાજ્યમાં સૌથી નીચું તાપમાન નલિયામાં 7 ડિગ્રી રહ્યું છે. સવારના સમયે અમદાવાદ શહેરમાં 14 ડિગ્રી તાપમાન રહ્યું છે. નલિયામાં 7 ડિગ્રી અને રાજકોટમાં 9.5 ડિગ્રી તાપમાન નોંધાયુ છે. તથા ભુજમાં 11, ગાંધીનગર અને દાહોદમાં 12 ડિગ્રી ઠંડીનો પારો તેમજ વડોદરા, ભાવનગર અને સુરતમાં તાપમાન 15 ડિગ્રી જોવા મળ્યું છે.
ભાવનગરમાં બનાવટી ચલણી નોટોના રેકેટનો પર્દાફાશ થયો
ભાવનગરમાં બનાવટી ચલણી નોટોના રેકેટનો પર્દાફાશ થયો છે. જેમાં રૂ.200ની 343 બનાવટી નોટ સાથે એક શખ્સ ઝડપાયો છે. તથા LCB પોલીસે કુલ રૂ.55 હજાર 800નો મુદ્દામાલ ઝડપ્યો છે. બાતમીના આધારે તખ્તસિંહજી વિશ્રાંતિ ગૃહ સામે કાર્યવાહી કરાઇ છે. આરોપી બનાવટી નોટો બજારમાં વટાવે તે પહેલા ઝડપ્યો છે. તથા પોલીસે અજય ઉર્ફે ઘુઘા બુધેલીયા સામે કાર્યવાહી હાથ ધરી છે. તેમજ ચિંતન કનોજીયાને ઝડપવા પોલીસે ચક્રો ગતિમાન કર્યા છે.
આજે આણંદમાં ABVPનું 57મું રાષ્ટ્રીય અધિવેશન યોજાશે
આજે આણંદમાં ABVPનું 57મું રાષ્ટ્રીય અધિવેશન યોજાશે. નાયબ મુખ્યમંત્રી હર્ષભાઈ સંઘવી હાજરી આપશે. તથા હર્ષભાઈ બપોરનું ભોજન સ્વામિનારાયણ મંદિરે કરશે.
સુરત ડીંડોલી હિટ એન્ડ રનમાં આરોપીની ધરપકડ કરાઇ
સુરત ડીંડોલી હિટ એન્ડ રનમાં આરોપીની ધરપકડ કરાઇ છે. જેમાં 28 ડિસેમ્બરે ડીંડોલીમાં હિડ એન્ડ રનની ઘટના બની હતી. તેમાં પોલીસે સ્કોર્પિયો ચાલક યુવકની ધરપકડ કરી છે. પોલીસે બિલ્ડર દિલીપ કિરાડેની ધરપકડ કરી છે. હિટ એન્ડ રનમાં રાહુલ સોનવણેનું મોત થયું હતુ. તથા હિટ એન્ડ રનની ઘટના બાદ સ્કોર્પિયો ચાલક ફરાર હતો. તેમજ CCTV ફૂટેજના આધારે પોલીસે આરોપીની ઓળખ કરી છે. સ્કોર્પિયોના રજિસ્ટ્રેશન નંબરના આધારે પોલીસ આરોપી સુધી પહોંચી છે. ડીંડોલી પોલીસે સ્કોર્પિયો કાર પણ જપ્ત કરી છે.
સુરેન્દ્રનગર જમીન કૌભાંડ કેસમાં સૌથી મોટા સમાચાર સામે આવ્યા
સુરેન્દ્રનગર જમીન કૌભાંડ કેસમાં સૌથી મોટા સમાચાર સામે આવ્યા છે. જેમાં સમગ્ર કૌભાંડની તપાસ માટે SITની રચના કરાઈ છે. અધિક નિયામકની અધ્યક્ષતામાં SIT તપાસ કરશે. SITમાં ACBના 5 અધિકારીઓનો સમાવેશ કરાયો છે. સુરેન્દ્રનગર ACB પોલીસ મથકમાં કૌભાંડનો કેસ છે. તત્કાલિન કલેક્ટર રાજેન્દ્ર પટેલ સહિત 4 સામે ગુનો છે. તથા તમામની સામે અપ્રમાણસર મિલકત અંગે ગુનો નોંધાયો છે.
