અમદાવાદના પાલડીમાં દર્દીને ઘૂંટણસમા પાણીમાં ઉંચકીને લઇ જવા પડ્યા

રવિવારે સાંજથી આખી રાત અમદાવાદમાં પડેલા ભારે વરસાદના કારણે લોકોની સ્થિતી કફોડી બની ગઇ છે. પાલડી વિસ્તારમાં જળબંબાકારના કારણે દર્દીને ઘૂંટણસમા પાણીમાંથી સ્ટ્રેચર પર ઉંચકીને એમ્બ્યુલન્સ સુધી લઇ જવા પડ્યા હતા. 

ભારે વરસાદના કારણે શહેરમાં અનેક વિસ્તારોમાં જળબંબાકારની સ્થિતી સર્જાઇ છે. અનેક મકાનોમાં પાણી ઘુસી ગયા છે. વરસાદ થંભી ગયા પછી પણ ઘણા વિસ્તારોમાં હજું પાણી ઓસર્યા નથી અને તંત્રની પોલ ખુલી ગઇ છે. 

ભારે વરસાદના કારણે અમદાવાદમાં સ્થિતી ખરાબ થઇ ગઇ છે. અમદાવાદના પાલડી વિસ્તારમાં આખી રાત પડેલા ભારે વરસાદથી સમગ્ર વિસ્તાર જળમગ્ન બની ગયો છે. પાલડી વિસ્તારની સ્થિતી ખરાબ બની છે. વરસાદ બંધ થયા પછી પણ પાલડી વિસ્તારમાં હજુ પણ પાણી ભરાયેલા છે. પાણી ભરાયેલા હોવાના કારણે એબ્યુલન્સ દર્દી સુધી પહોંચી શકી ન હતી. જેથી સ્થાનિક લોકોને  સ્ટ્રેચર પર ઉંચકીને દર્દીને ઘૂંટણસમા  પાણીના પ્રવાહમાં લઈ જવા પડયા હતા. સ્ટ્રેચરની મદદ થી દર્દીને એબ્યુલન્સ સુધી લઈ જવા પડયા હતા. 

જળબંબાકારની સ્થિતીના કારણે પાલડી વિસ્તારમાં રસ્તાઓ પર 5 ભૂવા પણ પડ્યા છે. અનેક સોસાયટીઓમાં વરસાદી પાણી ધુસી ગયા છે જેથી લોકોને બહાર નિકળી શકે તેમ નથી. 

આ પણ વાંચો-- ગુજરાતમાં સર્વત્ર વરસાદ, 22 કલાકમાં 211 તાલુકામાં વરસાદ

આ પણ વાંચો-- અમદાવાદમાં મેઘતાંડવ, આવતીકાલે શાળા કોલેજ બંધ રાખવાનો આદેશ