Kaun Banshe Gujarat no Genius: 40,000 સ્પર્ધકો, 31 એપિસોડ અને દિગ્ગજ હસ્તીઓ, ગ્રાન્ડ શૂટિંગ પૂર્ણ

આ મંચ એટલે મેગા ક્વિઝ શો ‘કોણ બનશે ગુજરાતનો જીનિયસ?’ (Kaun Banshe Gujarat no Genius - KBGG). શિક્ષણ, સામાન્ય જ્ઞાન (General Knowledge), કૌશલ્ય (Skills) અને ઝડપી નિર્ણાયક ક્ષમતાની કસોટી કરતો આ ઐતિહાસિક ક્વિઝ શો હવે પોતાના અંતિમ પડાવ પર પહોંચી ચૂક્યો છે અને તેનું ગ્રાન્ડ શૂટિંગ સફળતાપૂર્વક સંપન્ન થયું છે.

આ મેગા ક્વિઝ શો માત્ર એક મનોરંજક કાર્યક્રમ નથી, પરંતુ ગુજરાતના તેજસ્વી ભવિષ્યની શોધ કરવાનો એક રાષ્ટ્રનિર્માણ લક્ષી પ્રયાસ છે. રાજ્યભરમાંથી 40 હજારથી વધુ સ્પર્ધકો (Contestants) એ આ સ્પર્ધામાં ભારે ઉત્સાહ સાથે રજિસ્ટ્રેશન કરાવ્યું હતું. પ્રાથમિક પસંદગી અને સ્ક્રિનિંગની અત્યંત ઝીણવટભરી પ્રક્રિયા બાદ રાજ્યના 300 સૌથી તેજસ્વી માઇન્ડ્સની પસંદગી કરવામાં આવી હતી. આ બુદ્ધિશાળી વિદ્યાર્થીઓ અને યુવા પ્રતિભાઓ વચ્ચે યોજાયેલા રોમાંચક જ્ઞાન સંગ્રામમાંથી 15 થી વધુ અસાધારણ જીનિયસ રાજ્યને મળ્યા છે.

 

View this post on Instagram

 

A post shared by Gujarat First (@gujaratfirst)

31થી વધુ એપિસોડ અને 5000 સવાલોનો જ્ઞાનકોશ

‘કોણ બનશે ગુજરાતનો જીનિયસ?’ની પ્રથમ સિઝનને ભવ્ય બનાવવા માટે નિર્માણ ટીમે રાત-દિવસ અથાક પરિશ્રમ કર્યો છે. શોના ફોર્મેટને વૈશ્વિક સ્તરના માપદંડો અનુસાર ડિઝાઇન કરવામાં આવ્યું છે. પ્રથમ સિઝન માટે કુલ 31 થી વધુ એપિસોડનું ભવ્ય સેટ પર શૂટિંગ પૂરું કરવામાં આવ્યું છે.

સ્પર્ધકોની ખરી ક્ષમતા, યાદશક્તિ અને ઝડપની કસોટી કરવા માટે વિષય નિષ્ણાતો દ્વારા 5000 થી વધુ પડકારજનક સવાલો તૈયાર કરવામાં આવ્યા હતા. આ પ્રશ્નાવલીમાં ભારત અને ગુજરાતનો ઇતિહાસ, સાંસ્કૃતિક વારસો, ભૂગોળ, વિજ્ઞાન અને ટેકનોલોજી (Science & Technology), વર્તમાન પ્રવાહો (Current Affairs) તેમજ તાર્કિક ક્ષમતા સહિતના ક્ષેત્રો આવરી લેવાયા હતા. આ સવાલોએ માત્ર સ્પર્ધકોને જ નહીં, પરંતુ ઓડિયન્સ અને અતિથિઓને પણ વિચારતા કરી મૂક્યા હતા.

મુખ્યમંત્રી ભૂપેન્દ્રભાઈ પટેલ સહિત મંત્રીઓ અને સેલિબ્રિટીએ વધાર્યો સ્પર્ધકોનો ઉત્સાહ

ગુજરાતના મુખ્યમંત્રી ભૂપેન્દ્રભાઈ પટેલ (CM Bhupendrabhai Patel) ના માર્ગદર્શન હેઠળ રાજ્ય સરકાર યુવા શક્તિને સતત પ્રોત્સાહિત કરી રહી છે. આ જ વિચારધારાને અનુસરીને, રાજ્યના અનેક મંત્રીઓ અને રાજકીય આગેવાનોએ KBGGના સેટની રૂબરૂ મુલાકાત લઈને સ્પર્ધકોનો ઉત્સાહ વધાર્યો હતો.

10થી વધુ સિનિયર IAS-IPS અધિકારીઓની પ્રેરક ઉપસ્થિતિ

સ્પર્ધકો માટે માત્ર રાજકીય આગેવાનો જ નહીં, પરંતુ વહીવટી સેવાઓમાં દેશનું ગૌરવ વધારનારા વરિષ્ઠ અમલદારો પણ પ્રેરણારૂપ બન્યા હતા. ગુજરાત કેડરના 10 થી વધુ વરિષ્ઠ IAS અને IPS અધિકારીઓએ શૂટિંગ દરમિયાન સેટની મુલાકાત લીધી હતી.

અમદાવાદના પોલીસ કમિશનર IPS અનુપમસિંહ ગહેલોત (IPS Anupamsinh Gehlot), એડિશનલ સીપી નીરજ બડગુજર (IPS Neeraj Badgujar), ડીસીપી રાહુલ ત્રિપાઠી (IPS Rahul Tripathi) ની ઉપસ્થિતિ વિશેષ આકર્ષણનું કેન્દ્ર બની હતી. આ ઉપરાંત ભગીરથસિંહ ગઢવી (Bhagirathsinh Gadhvi), ભરત રાઠોડ (Bharat Rathod) સહિતના ઉચ્ચ પોલીસ અને વહીવટી અધિકારીઓએ યુવાનોને સિવિલ સર્વિસિસ (Civil Services) ક્ષેત્રે કારકિર્દી બનાવવા માટે માર્ગદર્શન અને પ્રેરણા પૂરી પાડી હતી.

સેલેબ્રિટીઝ, કલાકારો અને મોટિવેશનલ સ્પીકર્સનો જમાવડો

ગુજરાતી સિનેમા (Dhollywood), સંગીત અને સાહિત્ય જગતના દિગ્ગજોએ પણ આ ક્વિઝ શોમાં વિશેષ રંગ પૂર્યો હતો. જાણીતા મોટિવેશનલ સ્પીકર સંજય રાવલ (Sanjay Raval) એ સ્પર્ધકોમાં સકારાત્મક ઊર્જા અને વિજયી માનસિકતાનો સંચાર કર્યો હતો.

કલા જગતમાંથી પદ્મશ્રી એવોર્ડ વિજેતા અને અભિનેતા મનોજભાઈ જોશી (Padma Shri Manoj Joshi), યુવા હૃદય સમ્રાટ અભિનેતા યશ સોની (Yash Soni), લોકપ્રિય અભિનેત્રી જાનકી બોડીવાલા (Janki Bodiwala), હાસ્ય કલાકાર અને સાહિત્યકાર સાંઈરામ દવે (Sairam Dave), પ્રતિભાશાળી અભિનેતા મયુર ચૌહાણ (Mayur Chauhan), ગાયિકા સાંત્વની ત્રિવેદી (Santvani Trivedi) અને અભિનેત્રી અવની મોદી (Avani Modi) એ શોની મુલાકાત લીધી હતી.

સાથે સાથે લોકસંગીત અને લોકસાહિત્યના કલાકાર દિવાળીબેન આહીર (Diwaliben Ahir), કચ્છના પ્રસિદ્ધ આંત્રપ્રિન્યોર પાબીબેન રબારી (Pabiben Rabari), ગાયક અરવિંદ વેગડા (Arvind Vegda), રંગભૂમિના કલાકાર પ્રશાંત બારોટ (Prashant Barot) તેમજ સંત ત્રિકમદાસ મહારાજ (Trikamdas Maharaj) પણ ઉપસ્થિત રહ્યા હતા. સોશિયલ મીડિયા ઇન્ફ્લુએન્સર પાર્થ કોટેચા (Parth Kotecha) સહિત 25 થી વધુ સેલિબ્રિટીઝ (Celebrities) અને 20 થી વધુ જાણીતા ડિજિટલ ઇન્ફ્લુએન્સર્સ (Influencers) એ KBGGના મંચ પર આવીને સ્પર્ધકોનું મનોબળ વધાર્યું હતું.

 

View this post on Instagram

 

A post shared by Gujarat First (@gujaratfirst)

દેશના રક્ષકો અને ઉદ્યોગ જગતના અગ્રણીઓની વંદનીય હાજરી

આ શો માત્ર જ્ઞાન સુધી મર્યાદિત ન રહેતા દેશભક્તિ અને રાષ્ટ્રપ્રેમનો જીવંત અનુભવ બન્યો હતો. કારગિલ યુદ્ધ (Kargil War) ના હીરો અને દેશના સર્વોચ્ચ લશ્કરી સન્માન પરમવીર ચક્ર (Param Vir Chakra) વિજેતા સુબેદાર મેજર કેપ્ટન યોગેન્દ્રસિંહ યાદવ (Captain Yogendrasinh Yadav) ની ઉપસ્થિતિ સમગ્ર શોની સૌથી ઐતિહાસિક ક્ષણ બની રહી હતી. તેમની સાથે ભારતીય વાયુસેનાના વિંગ કમાન્ડર અભિષેક તિવારી (Wing Commander Abhishek Tiwari) પણ ઉપસ્થિત રહ્યા હતા.

વ્યાપાર અને સામાજિક ક્ષેત્રમાંથી અક્ષર ટ્રાવેલ્સ કંપની (Akshar Travels) ના ડિરેક્ટર મનીષ શર્મા (Manish Sharma), જાણીતા રાજાણી ગ્રુપ (Rajani Group) ના માનવ રાજાણી (Manav Rajani), જાણીતા સામાજિક સાપ્તાહિક ‘સાધના’ના તંત્રી ભાનુભાઈ (Bhanubhai) તેમજ પ્રતિષ્ઠિત મીડિયા સંસ્થા NIMCJ ના ટ્રસ્ટી પ્રદીપ જૈન (Pradeep Jain) સેટ પર ખાસ ઉપસ્થિત રહ્યા હતા. આ ઉપરાંત વિવિધ ક્ષેત્રના 20 થી વધુ સ્પેશિયલ ગેસ્ટ્સ આ ઐતિહાસિક સફરના સાક્ષી બન્યા હતા.

વિવિધ જિલ્લાઓમાંથી આવેલી 40થી વધુ વિશિષ્ટ પ્રતિભાઓ

ગુજરાતના વિવિધ જિલ્લાઓમાંથી 40 થી વધુ યુવા પ્રતિભાઓએ ક્વિઝ ઉપરાંત પોતાના અનોખા કૌશલ્યનું પણ અદભુત પ્રદર્શન કર્યું હતું. સ્પર્ધકોની તીવ્ર બુદ્ધિપ્રતિભા, ગાણિતિક ગણતરીઓની અકલ્પનીય સ્પીડ અને યાદશક્તિ જોઈને મહાનુભાવો દંગ રહી ગયા હતા. આ શો થકી સાબિત થયું છે કે ગુજરાત માત્ર વેપાર અને ઉદ્યોગમાં જ નહીં, પરંતુ શિક્ષણ, સંશોધન અને નોલેજ ઇકોનોમી (Knowledge Economy) માં પણ દેશનું નેતૃત્વ કરવાની ક્ષમતા ધરાવે છે.

ક્યારે અને કેટલા વાગ્યે પ્રસારિત થશે? ટેલિકાસ્ટ વિગતો

દર્શકો જે ક્ષણની આતુરતાપૂર્વક રાહ જોઈ રહ્યા છે તે ઘડી આવી પહોંચી છે. ‘કોણ બનશે ગુજરાતનો જીનિયસ?’ શોનું સત્તાવાર પ્રસારણ તારીખ 19 સપ્ટેમ્બરથી ગુજરાત ફર્સ્ટ ચેનલ પર શરૂ થઈ રહ્યું છે. પ્રથમ એપિસોડ 19 સપ્ટેમ્બરના રોજ પ્રસારિત થશે. આ ઓપનિંગ એપિસોડમાં લોકપ્રિય હાસ્ય સમ્રાટ અને સાહિત્યકાર સાંઈરામ દવે (Sairam Dave) ખાસ મહેમાન તરીકે ઉપસ્થિત રહેશે અને પોતાના વિનોદી અંદાજ સાથે સ્પર્ધકોનો ઉત્સાહ વધારશે.

બીજો એપિસોડ 20 સપ્ટેમ્બરના રોજ પ્રસારિત થશે. આ એપિસોડમાં કારગિલ યુદ્ધના પરમવીર ચક્ર વિજેતા કેપ્ટન યોગેન્દ્રસિંહ યાદવ (Captain Yogendrasinh Yadav) ની પ્રેરણાદાયી ઉપસ્થિતિ જોવા મળશે. જો દર્શકો મુખ્ય પ્રસારણ ચૂકી જાય, તો તેઓ બીજા દિવસે સવારે 11:00 વાગ્યે અને બપોર પછી સાંજે 04:00 વાગ્યે રિપીટ ટેલિકાસ્ટ નિહાળી શકશે.

ગુજરાતના શિક્ષણ અને સામાન્ય જ્ઞાનના ક્ષેત્રમાં નવો ઇતિહાસ રચવા જઈ રહેલો આ મેગા ક્વિઝ શો દર્શકોના દિલ જીતવા સંપૂર્ણપણે સજ્જ છે.