Gujarat First Health Conclave : મલ્ટી સ્પેશ્યાલિટી હોસ્પિટલ ક્ષેત્રે યોગદાન આપનાર આટકોટની KDP HOSPITAL ને એવોર્ડ હેલ્થ આઈકોન 2026' એનાયત

વડાપ્રધાન નરેન્દ્રભાઈ મોદીના હસ્તે કરવામાં આવ્યું  હતુ ઉદ્ધાટન

રાજકોટ જિલ્લાના આટકોટ ખાતે આવેલી કે.ડી. પરવડિયા મલ્ટી-સ્પેશિયાલિટી હોસ્પિટલ (KD Parvadiya Multispeciality Hospital) સૌરાષ્ટ્ર પ્રદેશની અગ્રણી હેલ્થકેર સંસ્થા (Healthcare Institution) તરીકે પોતાની આગવી ઓળખ બનાવી ચૂકી છે. હોસ્પિટલનું ઉદ્ઘાટન વડાપ્રધાન નરેન્દ્રભાઈ મોદી દ્વારા 28 મે 2022ના રોજ કરવામાં આવ્યું હતું. અત્યાધુનિક મેડિકલ ટેક્નોલોજી (Medical Technology), આધુનિક તબીબી સાધનો અને અનુભવી તબીબોની ટીમ સાથે હોસ્પિટલ વિવિધ સુપર સ્પેશ્યાલિટી (Super Speciality) અને મલ્ટી સ્પેશ્યાલિટી (Multispeciality) સેવાઓ પૂરી પાડી રહી છે. હાલમાં 610 બેડની ક્ષમતા ધરાવતી આ હોસ્પિટલ સૌરાષ્ટ્રના લાખો લોકોને ગુણવત્તાયુક્ત અને વિશ્વસનીય આરોગ્ય સેવાઓ ઉપલબ્ધ કરાવી રહી છે.

સૌરાષ્ટ્રના આરોગ્ય ક્ષેત્રમાં KDP હોસ્પિટલની મહત્વની ભૂમિકા

હોસ્પિટલનો મુખ્ય ઉદ્દેશ્ય ગ્રામ્ય વિસ્તારના દર્દીઓ સહિત ગરીબ અને જરૂરિયાતમંદ લોકોને સસ્તી તથા સુલભ સારવાર ઉપલબ્ધ કરાવવાનો છે. વિવિધ સરકારી આરોગ્ય યોજનાઓ અને સામાજિક કલ્યાણ કાર્યક્રમો સાથે જોડાઈને હોસ્પિટલ આર્થિક રીતે નબળા વર્ગના દર્દીઓને સારવારનો લાભ પહોંચાડવા માટે સતત કાર્યરત છે. 1,200થી વધુ ગામોના દર્દીઓને સેવા આપતી આ હોસ્પિટલના કારણે ગ્રામ્ય વિસ્તારોના લોકોને મોટા શહેરોમાં જવાની મુશ્કેલીમાં ઘટાડો થયો છે. ઇમરજન્સી કેર (Emergency Care), ક્રિટિકલ કેર (Critical Care), સર્જરી, માતા અને બાળ આરોગ્ય, હૃદયરોગ, ઓર્થોપેડિક્સ, નેફ્રોલોજી સહિતની વિવિધ વિશેષતા સેવાઓ દ્વારા કેડી પરવડિયા હોસ્પિટલ સૌરાષ્ટ્રના આરોગ્ય ક્ષેત્રમાં મહત્વપૂર્ણ ભૂમિકા ભજવી રહી છે.

કાર્યક્રમમાં આ મહાનુભાવો રહ્યા ઉપસ્થિત

ગુજરાત ફર્સ્ટના હેલ્થ કોન્કલેવમાં આરોગ્ય ક્ષેત્રે યોગદાન આપનાર શ્રેષ્ઠીઓનું સન્માન કરવામાં આવ્યું હતું. આ કાર્યક્રમમાં એવા લોકોની કામગીરીને બિરદાવવામાં આવી જેમણે આરોગ્ય ક્ષેત્રમાં મહત્વની ભૂમિકા ભજવી છે. ગુજરાત ફર્સ્ટના આ મોટા મંચ પર આરોગ્યમંત્રી પ્રફુલભાઈ પાનસેરિયા (Prafulbhai Pansheriya), શ્રી સિદ્ધિ મીડિયા ગ્રૂપનાં ચેરમેન મુકેશભાઈ પટેલ (Mukeshbhai Patel),ગુજરાત ફર્સ્ટનાં મેનેજિંગ ડિરેક્ટર જસ્મીનભાઈ પટેલ (Jasminbhai Patel) અને ગુજરાત ફર્સ્ટ (Gujarat First) ના ચેનલ હેડ ડૉ. વિવેક કુમાર ભટ્ટ (Dr. Vivek Kumar Bhatt) ખાસ ઉપસ્થિત રહ્યા હતા.

આ  પણ વાંચો : Gujarat First Health Conclave: અમદાવાદ સિવિલના સુપરિન્ટેન્ડેન્ટ Dr.Rakesh Joshi, જેઓ હોનારત સમયે બન્યા માનવતાનું કવચ