Cannes Film Festival: કાન્સમાં ગુંજ્યો ગુજરાતનો અવાજ, 'લાલો' ફિલ્મે વૈશ્વિક મંચ પર રચ્યો ઇતિહાસ
- Cannes Film Festival: 'લાલો' એ કાન્સમાં ઇતિહાસ રચ્યો, ગુજરાતી સિનેમા વૈશ્વિક મંચ પર ચમક્યું
- કાન્સ ફિલ્મ ફેસ્ટિવલમાં પહોંચનારી પ્રથમ ગુજરાતી ફિલ્મોમાં 'લાલો' એ સ્થાન મેળવ્યું
- ગુજરાતની સંસ્કૃતિ અને આધ્યાત્મિકતાને વિશ્વના સૌથી મોટા સિનેમેટિક સ્ટેજ પર મળી ઓળખ
- 17મી મેના રોજ બપોરે 1 વાગ્યે સોની મેક્સ પર થશે વર્લ્ડ ટેલિવિઝન પ્રીમિયર
- સોની લિવ (Sony LIV) પ્લેટફોર્મ પર પણ દર્શકો માટે ઉપલબ્ધ છે આ માસ્ટરપીસ
- દિગ્દર્શક અંકિત સખીયા અને નિર્માતાઓએ વૈશ્વિક સફળતા બદલ પ્રેક્ષકોનો માન્યો આભાર
Cannes Film Festival: ગુજરાતી સિનેમા (Gujarati Cinema) માટે વર્ષ 2026 એક સુવર્ણ વર્ષ સાબિત થઈ રહ્યું છે. અંકિત સખીયા (Ankit Sakhiya) દ્વારા દિગ્દર્શિત ફિલ્મ 'લાલો શ્રી કૃષ્ણ સદા સહાયતે' એ વિશ્વના સૌથી પ્રતિષ્ઠિત મંચ ગણાતા કાન્સ ફિલ્મ ફેસ્ટિવલ (Cannes Film Festival) માં સ્થાન મેળવીને ઇતિહાસ રચી દીધો છે. આ સિદ્ધિ સાથે 'લાલો' કાન્સ સુધી પહોંચનારી પ્રથમ ગુજરાતી ફિલ્મોમાંની એક બની ગઈ છે, જેણે પ્રાદેશિક સંસ્કૃતિ અને આધ્યાત્મિકતાને વૈશ્વિક ફલક પર સ્થાન અપાવ્યું છે.
આ ગૌરવશાળી ક્ષણ પર ખુશી વ્યક્ત કરી
દિગ્દર્શક અંકિત સખીયાએ આ ગૌરવશાળી ક્ષણ પર ખુશી વ્યક્ત કરતા જણાવ્યું હતું કે, "અમારી ભાષા અને સંસ્કૃતિ જ અમને અહીં સુધી લઈ આવી છે. 'લાલો' દ્વારા અમે ગુજરાતના એક નાના અંશ અને તેની શ્રદ્ધાને આંતરરાષ્ટ્રીય સ્તરે રજૂ કરીને સન્માનિત અનુભવીએ છીએ." આ ફિલ્મમાં રીવા રાચ્છ (Riva Rachh), શ્રુહદ ગોસ્વામી અને કરણ જોષી મુખ્ય ભૂમિકામાં છે. મેનિફેસ્ટ ફિલ્મ્સ અને અજય પાદરિયા, જય વ્યાસ, જીગર દલસાણીયા દ્વારા નિર્મિત આ ફિલ્મ મૂળભૂત કથાઓ અને સંસ્કારોની શક્તિ દર્શાવે છે.
View this post on Instagram
Cannes Film Festival: લાલો' હાલમાં ઓટીટી પ્લેટફોર્મ પર છે
જે પ્રેક્ષકો આ અદભૂત ફિલ્મ જોવાનું ચૂકી ગયા છે, તેમના માટે સારા સમાચાર છે. 'લાલો' હાલમાં ઓટીટી પ્લેટફોર્મ સોની લિવ (Sony LIV) પર સ્ટ્રીમ થઈ રહી છે. આ ઉપરાંત, આગામી 17મી મે, 2026ના રોજ રવિવારે બપોરે 1:00 વાગ્યે સોની મેક્સ (Sony MAX) પર આ ફિલ્મનો 'વર્લ્ડ ટેલિવિઝન પ્રીમિયર' થવા જઈ રહ્યો છે. કાન્સમાં ઇતિહાસ રચ્યા બાદ હવે આ ફિલ્મ ઘર-ઘર સુધી પહોંચવા માટે તૈયાર છે.
આ પણ વાંચો: હૈદરાબાદ-જયપુર સ્પેશિયલ એક્સપ્રેસના AC કોચમાં લાગી ભીષણ આગ, મુસાફરોમાં મચી અફરાતફરી