Ahmedabad: વિદ્યાર્થીઓમાં વધતી હિંસાત્મક માનસિકતા શિક્ષણ જગત અને વાલીઓ માટે ચેતવણી

• Ahmedabad: બે વિદ્યાર્થીઓ વચ્ચે વર્ગ બદલવાની બાબતે ઉગ્ર ઝઘડો થયો
• ઝઘડાની અદાવત રાખી એક વિદ્યાર્થીએ ગંભીર હરકત કરી
• મિત્રની પાણીની બોટલમાં કેમિકલ ભેળવી દીધું

Ahmedabad: અમદાવાદના મણિનગરની દુર્ગા સ્કૂલ વિવાદમાં આવી છે. જેમાં બે વિદ્યાર્થીઓ વચ્ચે વર્ગ બદલવાની બાબતે ઉગ્ર ઝઘડો થયો હતો. તેમાં ઝઘડાની અદાવત રાખી એક વિદ્યાર્થીએ ગંભીર હરકત કરી છે. જેમાં મિત્રની પાણીની બોટલમાં કેમિકલ ભેળવી દીધું હતુ. કેમિકલવાળું પાણી પીતા જ વિદ્યાર્થીને ઉલટી શરૂ થઇ હતી. તથા તાત્કાલિક સારવાર બાદ વિદ્યાર્થીની હાલત સ્થિર છે. જેમાં સમગ્ર ઘટના શાળાના CCTV કેમેરામાં કેદ થઇ છે.

શાળા સંચાલને બંને વિદ્યાર્થીઓના વર્ગ બદલી કાર્યવાહી શરૂ

શાળા સંચાલને બંને વિદ્યાર્થીઓના વર્ગ બદલી કાર્યવાહી શરૂ કરી છે. તથા બાળકોમાં વધતી હિંસાત્મક માનસિકતા શિક્ષણ જગત અને વાલીઓની ઊંઘ ઉડાડી દિધી છે. મણિનગરની દુર્ગા સ્કૂલમાં ભણતા ધો. 6ના કેટલાક વિદ્યાર્થીઓ સાથે રમતા હતા તેમજ સાથે જ ફરતા હતા. થોડા દિવસો પહેલાં બે મિત્રો વચ્ચે સામાન્ય વાતને લઈને ઝઘડો થયો હતો.

Ahmedabad: બોટલમાં કેમિકલ નાખીને પાણી સાથે મિક્સ કરી દીધું

આ વાતને ધ્યાનમાં લઈને બીજા મિત્રએ એટલે ધો. 6ના જ વિદ્યાર્થીએ પોતાના મિત્રને પાઠ ભણાવવાનુ નક્કી કર્યું હતું. આ છોકરાના પિતા કેમિકલના બિઝનેસ સાથે સંકળાયેલા છે. આથી આ વિદ્યાર્થીએ ઘરના સભ્યોને ખબર ન પડે એ રીતે થોડું કેમિકલ પોતાની સાથે લઈ લીધું હતું. ત્યાર બાદ તેણે પોતાના જે મિત્રને પાઠ ભણાવવાનો હતો તેની પાણીની બોટલમાં કેમિકલ નાખીને પાણી સાથે મિક્સ કરી દીધું હતું.

આખો મામલો ગંભીર બની ગયો હતો

આખો મામલો ગંભીર બની ગયો હતો. આખરે શાળા સંચાલને તે વિદ્યાર્થીના તેમજ જે વિદ્યાથીની બોટલમાં કેમિકલ જેવુ પ્રવાહી મિકસ કર્યું હતું તેનાં માતા-પિતાને બોલાવ્યાં હતાં. વિદ્યાથીને ઠપકો અપાયો હતો અને તેની પાસેથી માફી પત્ર લખાવી લેવાયું હતું. બીજી બાજુ પોતાના સંતાનને કશુ નુકસાન થયું નહીં હોવાથી બીજાં માતાપિતાએ પણ મન મોટું રાખીને કોઈ જ કાર્યવાહી નહીં કરવાનું મન બનાવીને સમાધાન કરી લીધું હતું.

ગોળી નાખવાનું કોઈ ચોક્કસ કારણ હાલ સામે આવેલ નથી

દુર્ગા સ્કૂલના પ્રિન્સીપાલ કેતન આર. શાહે જણાવ્યું છે કે ધોરણ 6માં અભ્યાસ કરતા વિદ્યાર્થીએ 23 તારીખ બુધવારે 4 વાગ્યાના સમયે ઘટના બની હતી. એક વિદ્યાર્થીએ બીજા વિદ્યાર્થીના બોટલમાં કોઈ ગોળી નાખેલ હતી. તથા બોટલમાંથી વિદ્યાર્થીએ પાણી પીધું તે સમયે તેને તેમાંથી કોઈ સ્મેલ આવી હતી. અને વોમીટ થઇ હતી. જેમાં તેને તાત્કાલિક હોસ્પિટલ સારવાર માટે લઈ જવામાં આવ્યો હતો. જેમાં ગોળી નાખવાનું કોઈ ચોક્કસ કારણ હાલ સામે આવેલ નથી.

આ પણ વાંચો: Gujarat Weather: રાજ્યમાં ઠંડી ગાયબ, જાણો કમોસમી વરસાદની આગાહીનું કારણ