ગુજરાત અને કેરળમાં અતિવૃષ્ટિને લીધે અવસાન પામેલા લોકોના પરિવારજનોને મોરારીબાપુએ અર્પણ કરી સહાય

Morari Bapu Relief:  મોરારીબાપુ દ્વારા સહાય અર્પણ

ગુજરાત પર સર્જાયેલા સાયક્લોનિક વાતાવરણ અને ભારે વરસાદના કારણે નવસારી (Navsari Rain Incident) સહિતના વિવિધ જિલ્લાઓમાં 5 લોકોનાં કરુણ મોત નિપજયા છે. આ દુઃખદ ઘટનાને પગલે પૂજ્ય બાપુએ 'હનુમંત સંવેદના' રૂપે મૃતકોના પરિવારજનોને પ્રતિ વ્યક્તિ રૂપિયા પંદર હજાર લેખે કુલ રૂપિયા 75,000 ની સહાયતા રાશિ અર્પણ કરી છે. આ સહાય નવસારી તેમજ અન્ય સ્થળોએ રહેતા રામકથાના શ્રોતાઓ દ્વારા અસરગ્રસ્તો સુધી પહોંચાડવામાં આવી છે.

કેરળ માટે  પણ સહાય અર્પણ કરી

બીજી તરફ, કેરળ રાજ્યમાં પણ અતિવૃષ્ટિ અને પૂરના પ્રકોપને લીધે ૧૫ લોકોનાં મોત નિપજયા છે અને કેટલાક લોકો ગુમ થયા હોવાના અહેવાલો છે. આ તમામ હતભાગી લોકોનાં પરિવારજનોને ઊંડી સાંત્વના પાઠવીને પૂજ્ય બાપુએ કેરળ રાજ્યના મુખ્યમંત્રી રાહત ફંડમાં (Chief Minister Relief Fund Kerala) કુલ રૂપિયા 2,25,000 ની સહાયતા રાશિ અર્પણ કરી છે. કેરળના પૂરપીડિતો માટેની આ સહાય મુંબઈ સ્થિત રામકથાના શ્રોતા દ્વારા સત્તાવાર રીતે પહોંચાડવામાં આવી છે. આપત્તિના આ સમયે આધ્યાત્મિક સંત દ્વારા દર્શાવાયેલી આ માનવતાવાદી સંવેદના અને સેવાકીય અભિગમથી અનેક જરૂરિયાતમંદ પરિવારોને હૂંફ મળી રહી છે.

આ પણ વાંચો: Ahmedabad: સની દેઓલનો જબરદસ્ત ક્રેઝ, 'બટવારા 1947'ના પ્રમોશન માટે આવ્યા હતા સ્ટારકાસ્ટ