PM modi Reached Ahmedabad: વડાપ્રધાન નરેન્દ્ર મોદીએ આજે ગુજરાતના સાણંદ ખાતે રૂ. 7.500 કરોડના રોકાણથી તૈયાર થયેલ 'CG સેમિકન્ડક્ટર પ્લાન્ટ'નું ઉદ્ઘાટન કર્યું હતું. આ પ્રસંગે વડાપ્રધાને વિશ્વાસ વ્યક્ત કરતા જણાવ્યું હતું કે, ભારત આજે જે લક્ષ્ય નક્કી કરે છે, તેને સમયસર પૂર્ણ પણ કરે છે. પાંચ વર્ષ પહેલાં જોવાયેલું ભારતને 'સેમિકન્ડક્ટર હબ' બનાવવાનું સ્વપ્ન આજે સાકાર થઈ રહ્યું છે.
સાણંદમાં વડાપ્રધાન મોદીના હસ્તે રૂ. 7.500 કરોડના સેમિકન્ડક્ટર પ્લાન્ટનું લોકાર્પણ
વડાપ્રધાન નરેન્દ્ર મોદીએ સાણંદ ખાતે સેમિકન્ડક્ટર પ્લાન્ટના ઉદ્ઘાટન પ્રસંગે જણાવ્યું હતું કે, "ભારત જે નક્કી કરે તે કરી બતાવે છે". પાંચ વર્ષ પહેલાં ભારતને સેમિકન્ડક્ટરનું હબ બનાવવાનો જે સંકલ્પ કરવામાં આવ્યો હતો, આજે તેનો ત્રીજો પ્લાન્ટ કાર્યરત થઈ ચૂક્યો છે. વડાપ્રધાને આ પ્રોજેક્ટને 'મિની ઇન્ડિયા' ગણાવતા જણાવ્યું હતું કે, આ પ્લાન્ટ દ્વારા દર વર્ષે 20 કરોડ ચિપનું ઉત્પાદન થશે અને ભવિષ્યમાં 500 કરોડ ચિપ ઉત્પાદનનું લક્ષ્ય રાખવામાં આવ્યું છે.
સેમિકન્ડક્ટર અને AI ક્રાંતિ
વડાપ્રધાને જૂની યાદો તાજી કરતા કહ્યું કે, 20 વર્ષ પહેલા તેમણે ગુજરાતમાં ચિપ બનાવવા માટે પ્લાન કર્યો હતો, પરંતુ તે સમયે કેન્દ્ર સરકારની સહાયના અભાવે કામ અટકી ગયું હતું, જે આજે વાસ્તવિકતા બની રહ્યું છે. તેમણે ભારપૂર્વક જણાવ્યું કે, સાણંદ હવે એક સેમિકન્ડક્ટર ક્લસ્ટર તરીકે વિકસી રહ્યું છે, જે રોજગારીનું મોટું સર્જન કરશે.
AI અને સેમિકન્ડક્ટર ક્ષેત્રે યુવાનો માટે સૌથી વધુ તકોનું સર્જન થશે
ભારતની આત્મનિર્ભરતા પર ભાર મૂકતા તેમણે કહ્યું કે, પહેલા ભારત મોબાઈલ ફોન વિદેશથી લાવતું હતું, પણ આજે ભારત દુનિયાનો બીજો સૌથી મોટો મોબાઈલ મેન્યુફેક્ચરર અને એક્સપોર્ટર છે. વડાપ્રધાનના મતે, હવે ભારત એવી ચિપ બનાવશે જેના પર સંપૂર્ણ ઇલેક્ટ્રોનિક દુનિયા ટકેલી છે. આગામી સમયમાં આર્ટિફિશિયલ ઇન્ટેલિજન્સ (AI) અને સેમિકન્ડક્ટર ક્ષેત્રે યુવાનો માટે સૌથી વધુ તકોનું સર્જન થશે. તેમણે પોતાનો મંત્ર આપતા કહ્યું કે, "આઈડિયા આપનો અને સાથ મારો".
સેમિકન્ડક્ટર અને AI ક્રાંતિ
આ પ્રોજેક્ટ ઓટોમોટિવ, ટેલિકોમ્યુનિકેશન, ૫G અને IOT જેવા ક્ષેત્રો માટે ગેમ-ચેન્જર સાબિત થશે. વડાપ્રધાને ભાર મૂક્યો હતો કે, આર્ટિફિશિયલ ઇન્ટેલિજન્સ (AI) અને નેક્સ્ટ જનરેશન ક્રાંતિને ભારતના યુવાનો સફળ બનાવશે. 'આઈડિયા આપનો અને સાથ મારો' એ આ સરકારનો મંત્ર છે.
ગુજરાત બન્યું સેમિકન્ડક્ટરનું પાવરહાઉસ
ગુજરાતમાં અત્યાર સુધીમાં 1.24 લાખ કરોડના રોકાણ સાથે ૬ સેમિકન્ડક્ટર પ્રોજેક્ટ્સને મંજૂરી આપવામાં આવી છે, જે 50,000 થી વધુ પ્રત્યક્ષ અને પરોક્ષ રોજગારીનું સર્જન કરશે. ટાટા, માઇક્રોન અને CG સેમી જેવી કંપનીઓના આગમનથી ગુજરાત સેમિકન્ડક્ટર ક્લસ્ટર બની રહ્યું છે.
આ પણ વાંચો: Semiconductor Gujarat: મુખ્યમંત્રી ભુપેન્દ્રભાઈ પટેલની ઉપસ્થિતિમાં સાણંદમાં સેમીકન્ડક્ટર પ્લાન્ટનું લોકાર્પણ
