PM Modi Sanand visit: સાણંદમાં મોદી મેજિક, ગુજરાત બનશે દુનિયાનું સિલિકોન વેલી?

સાણંદના મંચ પરથી વિશ્વભરના ભાગીદારો અને વૈશ્વિક રોકાણકારોને ખાતરી

February 28, 2026 5:31 pm

વડાપ્રધાન નરેન્દ્રભાઇ મોદીએ સાણંદથી દુનિયાને સ્પષ્ટ સંદેશ આપતા જણાવ્યું છે કે ભારત હવે વૈશ્વિક રોકાણ માટે સંપૂર્ણપણે તૈયાર અને સક્ષમ છે. તેમણે ભારપૂર્વક કહ્યું કે ભારત માત્ર સક્ષમ (Capable) જ નહીં, પરંતુ વૈશ્વિક સ્તરે સ્પર્ધાત્મક (Competitive) અને વિકાસ માટે પ્રતિબદ્ધ (Committed) પણ છે. વડાપ્રધાને વિશ્વભરના ભાગીદારો અને વૈશ્વિક રોકાણકારોને ખાતરી આપી હતી કે ભારતમાં રોકાણ માટે સાનુકૂળ વાતાવરણ તૈયાર છે. તેમણે વધુમાં ઉમેર્યું હતું કે, ભારત સરકાર અને તમામ રાજ્ય સરકારો રોકાણકારોના વિકાસમાં સહભાગી બનવા માટે તત્પર છે. 'અમે સૌ તમારી સાથે છીએ,' એવા ભરોસા સાથે તેમણે રોકાણકારોને ભારતના વિકાસના પથ પર જોડાવા માટે આહ્વાન કર્યું હતું. વડાપ્રધાનના આ નિવેદનથી સ્પષ્ટ થાય છે કે કેન્દ્ર અને રાજ્ય સરકારો વચ્ચેના સમન્વય દ્વારા ભારત હવે ગ્લોબલ બિઝનેસ હબ બનવા તરફ મક્કમ ડગલાં ભરી રહ્યું છે.

The inauguration of Micron’s semiconductor facility marks a milestone in India’s journey towards technology leadership.
https://t.co/6b9FBoBK8k

— Narendra Modi (@narendramodi) February 28, 2026

ભારત ગ્લોબલ સપ્લાય ચેઇનમાં ભાગીદાર તરીકે ઉભરશે

February 28, 2026 5:26 pm

સાણંદમાં આકાર લઈ રહેલા આ પ્રોજેક્ટ્સથી માત્ર ટેકનોલોજીકલ પ્રગતિ જ નહીં, પરંતુ મોટા પાયે રોજગારીની નવી તકો પણ ઊભી થઈ રહી છે. વડાપ્રધાને વિશ્વાસ વ્યક્ત કર્યો હતો કે સેમિકન્ડક્ટર ઇકોસિસ્ટમ વિકસિત થવાથી ભારત ગ્લોબલ સપ્લાય ચેઇનમાં એક વિશ્વસનીય ભાગીદાર તરીકે ઉભરી આવશે અને સાણંદ આ ક્રાંતિનું મુખ્ય કેન્દ્ર બની રહેશે.

કોવિડના સંકટ સમયે લીધેલો સાહસિક નિર્ણય

February 28, 2026 5:25 pm

વડાપ્રધાન નરેન્દ્રભાઇ મોદીએ યાદ અપાવ્યું હતું કે જ્યારે સમગ્ર વિશ્વ કોવિડ મહામારીના વિનાશક સમય અને આર્થિક અનિશ્ચિતતા સામે ઝઝૂમી રહ્યું હતું, ત્યારે ભારતે ડરવાને બદલે ભવિષ્યની જરૂરિયાતોને પારખી હતી. એ જ કપરા સમયમાં ભારતે પોતાના મહત્વાકાંક્ષી 'સેમિકન્ડક્ટર મિશન'ની જાહેરાત કરી હતી. આ મિશન માત્ર એક યોજના નહોતી, પરંતુ ભારતને ટેકનોલોજીની દ્રષ્ટિએ આત્મનિર્ભર બનાવવાનું એક મક્કમ પગલું હતું.

સેમિકન્ડક્ટર ક્ષેત્રે ભારતની વૈશ્વિક હરણફાળ: સાણંદ બનશે સફળતાનું નવું કેન્દ્ર

February 28, 2026 5:25 pm

ભારત હવે ટેકનોલોજી અને મેન્યુફેક્ચરિંગ ક્ષેત્રે વિશ્વના નકશા પર નવી ઊંચાઈઓ સર કરી રહ્યું છે. વડાપ્રધાન નરેન્દ્રભાઇ મોદીએ સાણંદના સેમિકન્ડક્ટર સેક્ટર અંગે ઊંડો વિશ્વાસ વ્યક્ત કરતા જણાવ્યું હતું કે, આગામી વર્ષોમાં સાણંદ આ ક્ષેત્રમાં સફળતાનો એક નવો અને સુવર્ણ અધ્યાય લખવા જઈ રહ્યું છે. ભારતની આ મજબૂત ઈચ્છાશક્તિ અને દૂરંદેશીને કારણે જ દેશ આજે સેમિકન્ડક્ટર સેક્ટરમાં અત્યંત ઝડપથી આગળ વધી રહ્યો છે.

સેમિકન્ડક્ટર ક્ષેત્રે સફળતાનો નવો ઇતિહાસ

February 28, 2026 5:21 pm

સાણંદની સફળતા પર વિશ્વાસ વ્યક્ત કરતા વડાપ્રધાન નરેન્દ્રભાઇ મોદીએ ઉમેર્યું હતું કે, આ સેમિકન્ડક્ટર પ્લાન્ટમાં હાલમાં સેંકડો લોકોને રોજગારી મળી છે અને આગામી સમયમાં તેનો વિસ્તાર થતા હજારો યુવાનો માટે નવી તકો ઊભી થશે. સાણંદ હવે સેમિકન્ડક્ટર ક્ષેત્રે સફળતાનો નવો ઇતિહાસ લખવા તૈયાર છે, જે ભારતને આત્મનિર્ભરતા તરફ દોરી જશે.

માઈક્રોચિપ: આ સદીનું નવું ઈંધણ

February 28, 2026 5:20 pm

વૈશ્વિક પરિદ્રશ્ય પર પ્રકાશ પાડતા પીએમ નરેન્દ્રભાઇ મોદીએ કહ્યું કે, "જો ગત સદીનું રેગ્યુલેટર ઓઈલ (તેલ) હતું, તો આ સદીનું રેગ્યુલેટર 'માઈક્રોચિપ' બનવાનું છે." આ દૂરંદેશી સાથે ભારતે તે સમયે સેમિકન્ડક્ટર મિશનની જાહેરાત કરી હતી જ્યારે આખી દુનિયા કોવિડના સંકટ સામે ઝઝૂમી રહી હતી. વિશ્વની સૌથી સફળ AI સમિટ બાદ માઈક્રોનનો આ પ્લાન્ટ ટેકનોલોજી લીડરશિપ પ્રત્યે ભારતના કમિટમેન્ટનો વધુ એક પુરાવો છે.

નીતિ અને નિર્ણયમાં સ્પષ્ટતા: વિકાસનો નવો મિજાજ

February 28, 2026 5:19 pm

વડાપ્રધાને ભારપૂર્વક જણાવ્યું હતું કે, જ્યારે દેશના તેજ વિકાસ પ્રત્યેની નીત સાફ અને નિષ્ઠા અડગ હોય, ત્યારે નીતિઓ પણ સ્પષ્ટ બને છે અને નિર્ણયોમાં ગતિશીલતા આવે છે. ભારત જે રીતે 'પોલીસીથી લઈને પ્રોડક્શન' સુધીના અભિગમ સાથે આગળ વધી રહ્યું છે, તે આજના 'નવા ભારતના મિજાજ'ને દર્શાવે છે. આ પ્રોજેક્ટ દ્વારા ભારત અત્યંત ઝડપથી Global Semiconductor Value Chain નો મહત્વનો હિસ્સો બની રહ્યું છે.

વડાપ્રધાન નરેન્દ્રભાઇ મોદીએ માઈક્રોન પ્લાન્ટને ભારત-અમેરિકાની અતૂટ ભાગીદારી અને નવા ભવિષ્યનું પ્રતીક ગણાવ્યું

February 28, 2026 5:18 pm

ગુજરાતના સાણંદમાં માઈક્રોન (Micron) ની સેમિકન્ડક્ટર ફેસિલિટીના પ્રારંભ સાથે ભારતની ટેકનોલોજીકલ સફરમાં એક નવો અધ્યાય ઉમેરાયો છે. આ ઐતિહાસિક પ્રસંગે વડાપ્રધાન નરેન્દ્રભાઇ મોદીએ જણાવ્યું હતું કે, સાણંદમાં આજે આપણે ભારતના એક નવા અને ઉજ્જવળ ભવિષ્યનો ઉદય જોઈ રહ્યા છીએ. સોફ્ટવેર ક્ષેત્રે વિશ્વભરમાં ડંકો વગાડ્યા બાદ, હવે ભારત હાર્ડવેર અને સેમિકન્ડક્ટર ક્ષેત્રે પણ પોતાની ઓળખ સશક્ત કરી રહ્યું છે. માઈક્રોનની આ ફેસિલિટી ભારત અને અમેરિકા વચ્ચેના મજબૂત સહયોગ અને અતૂટ ભાગીદારીનું જીવંત પ્રમાણ છે.

વડાપ્રધાને પ્લાન્ટનું કર્યું નિરિક્ષણ

February 28, 2026 3:58 pm

રોડ-શો બાદ વડાપ્રધાન નરેન્દ્રભાઇ મોદી સીધા 'માઇક્રોન સેમિકન્ડક્ટર ટેકનોલોજી' (Micron Semiconductor Technology) ના પ્લાન્ટ ખાતે પહોંચ્યા હતા. અહીં તેમણે અત્યાધુનિક એસેમ્બલી, ટેસ્ટ અને પેકેજિંગ (Assembly, Test, and Packaging - ATMP) સુવિધાનું પ્રત્યક્ષ નિરીક્ષણ (Inspection) કર્યું હતું. નિરીક્ષણ દરમિયાન વડાપ્રધાને પ્લાન્ટના એન્જિનિયરો અને અધિકારીઓ સાથે વાતચીત કરી ચિપ બનાવવાની પ્રક્રિયા અને ટેકનોલોજી વિશે ઊંડાણપૂર્વક માહિતી મેળવી હતી. માઇક્રોનનો આ પ્લાન્ટ ભારતની પ્રથમ 'મેડ-ઇન-ઇન્ડિયા' (Made-in-India) મેમરી ચિપ બનાવવા માટે સજ્જ છે, જે દેશની ડિજિટલ આત્મનિર્ભરતા (Digital Self-reliance) માટે સીમાચિહ્નરૂપ ગણાય છે.

વડાપ્રધાન મોદીનો સાણંદમાં ભવ્ય રોડ-શો

February 28, 2026 3:43 pm

ભારતને ગ્લોબલ ચિપ મેન્યુફેક્ચરિંગ હબ બનાવવાના મિશન સાથે વડાપ્રધાન નરેન્દ્રભાઈ મોદી (PM Narendra Modi) આજે સાણંદ (Sanand) જીઆઈડીસી (GIDC) ખાતે પહોંચ્યા હતા. સાણંદની ધરા પર વડાપ્રધાનનું આગમન થતા જ વાતાવરણ 'મોદી-મોદી'ના નારાથી ગુંજી ઉઠ્યું હતું. વડાપ્રધાને સાણંદ જીઆઈડીસી (Sanand GIDC) માં એક ભવ્ય રોડ-શો (Roadshow) યોજ્યો હતો, જેમાં રસ્તાની બંને તરફ ઉભેલા હજારો નાગરિકો અને શ્રમિકોએ પુષ્પવર્ષા કરીને તેમનું અભિવાદન કર્યું હતું. જનમેદનીનો ઉત્સાહ જોઈ વડાપ્રધાને પણ હાથ હલાવી સૌનું સ્વીકાર્યું હતું.

રોજગારી અને આત્મનિર્ભરતાનું નવું સરનામું

February 28, 2026 3:39 pm

આ સુવિધા હાઇ-પરફોર્મન્સ કોમ્પ્યુટીંગ (High-Performance Computing) અને AI માટે જરૂરી મેમરી અને સ્ટોરેજ સોલ્યુશન્સ (Storage Solutions) પૂરા પાડશે. આ પ્લાન્ટ ડાયનેમિક રેન્ડમ એક્સેસ મેમરી (Dynamic Random Access Memory - DRAM) અને NAND સેમિકન્ડક્ટર વેફર્સને તૈયાર પ્રોડક્ટ્સમાં રૂપાંતરિત કરશે. વડાપ્રધાનના 'આત્મનિર્ભર ભારત' (Self-Reliant India) ના વિઝન હેઠળ આ પ્રોજેક્ટ હજારો પ્રત્યક્ષ અને પરોક્ષ રોજગારીની તકો (Employment Opportunities) ઉભી કરશે.

ઇન્ડિયા સેમિકન્ડક્ટર મિશન (ISM) ની મોટી સફળતા

February 28, 2026 3:38 pm

આ પ્રોજેક્ટ ઇન્ડિયા સેમિકન્ડક્ટર મિશન (India Semiconductor Mission) હેઠળ મંજૂર કરાયેલ પ્રથમ દરખાસ્ત હતી. સપ્ટેમ્બર 2023માં થયેલા ભૂમિપૂજન (Groundbreaking Ceremony) બાદ અત્યંત ટૂંકા અને રેકોર્ડબ્રેક સમયમાં આ પ્લાન્ટ તૈયાર કરવામાં આવ્યો છે, જે કેન્દ્ર સરકારની ઝડપી કાર્યપદ્ધતિનું ઉદાહરણ પૂરું પાડે છે.

મેડ-ઇન-ઇન્ડિયા ચિપ અને વૈશ્વિક નિકાસ

February 28, 2026 3:38 pm

આ ઉદ્ઘાટન સાથે જ ભારતમાં બનેલા સેમિકન્ડક્ટર મેમરી મોડ્યુલ્સ (Memory Modules) નું વ્યાવસાયિક ઉત્પાદન (Commercial Production) શરૂ થશે. આ ઉત્પાદનોનું માત્ર ભારતમાં જ વેચાણ નહીં, પરંતુ વૈશ્વિક બજારોમાં શિપમેન્ટ (Shipment) પણ કરવામાં આવશે. આનાથી ભારતની વિદેશી આયાત પરની નિર્ભરતા ઘટશે અને 'મેક ઇન ઇન્ડિયા' (Make In India) અભિયાનને નવું બળ મળશે.

માઇક્રોન પ્લાન્ટ: રૂ. 22,500 કરોડનું રોકાણ અને અત્યાધુનિક સુવિધાઓ

February 28, 2026 3:37 pm

સાણંદમાં કાર્યરત થયેલી આ સુવિધા 'માઇક્રોન સેમિકન્ડક્ટર ટેકનોલોજી ઇન્ડિયા પ્રાઇવેટ લિમિટેડ' (Micron Semiconductor Technology India Pvt Ltd) દ્વારા સ્થાપિત કરવામાં આવી છે. આ મહાકાય પ્રોજેક્ટ અંદાજે રૂ. 22,500 કરોડથી વધુના ખર્ચ (Total Expenditure) સાથે તૈયાર થયો છે. અહીં સેમિકન્ડક્ટર એસેમ્બલી, ટેસ્ટ અને પેકેજિંગ (Assembly, Test, and Packaging - ATMP) ની અત્યાધુનિક સુવિધા ઉપલબ્ધ છે. આ પ્લાન્ટ 5 લાખ ચોરસ ફૂટમાં ફેલાયેલું ક્લીનરૂમ (Cleanroom Space) ધરાવે છે, જે વિશ્વના સૌથી મોટા રેઝ્ડ-ફ્લોર ક્લીનરૂમ્સમાંનું એક છે.

સાણંદમાં સેમિકન્ડક્ટર ક્રાંતિનો પ્રારંભ

February 28, 2026 3:37 pm

વડાપ્રધાન દ્વારા સાણંદ ખાતે સેમિકન્ડક્ટર પ્લાન્ટ (Semiconductor Plant) નું ઉદ્ઘાટન કરવામાં આવશે, જે દેશના આઈટી (IT) અને ઇલેક્ટ્રોનિક્સ (Electronics) ક્ષેત્રમાં એક નવા યુગની શરૂઆત માનવામાં આવે છે. આ પ્રોજેક્ટ માત્ર ગુજરાત માટે જ નહીં, પરંતુ સમગ્ર ભારત માટે આર્થિક (Economic) અને વ્યૂહાત્મક (Strategic) દ્રષ્ટિએ અત્યંત મહત્વનો સાબિત થશે. વૈશ્વિક સ્તરે ચિપની અછત વચ્ચે ભારત હવે ઉત્પાદક દેશ તરીકે ઉભરી રહ્યું છે.