Rashid Khan in Ahmedabad: ઇન્ડિયન પ્રીમિયર લીગ (IPL) ની 2026ની સીઝન અત્યારે પૂરજોશમાં ચાલી રહી છે, ત્યારે ગુજરાત ટાઇટન્સ (Gujarat Titans) ના સ્ટાર સ્પિનર રાશિદ ખાન (Rashid Khan) હાલમાં ચર્ચાનું કેન્દ્ર બન્યા છે. શુક્રવારના પવિત્ર દિવસે અફઘાનિસ્તાનના આ દિગ્ગજ ખેલાડીએ અમદાવાદના લાલ દરવાજા (Lal Darwaja) વિસ્તારમાં આવેલી ઐતિહાસિક જુમ્મા મસ્જિદ (Juma Masjid) ની મુલાકાત લીધી હતી. અહીં તેમણે અત્યંત સાદગીપૂર્વક પવિત્ર નમાજ અદા કરી હતી.
એક ઝલક જોવા માટે ફેન્સના ટોળા ઉમટ્યા
રાશિદ ખાન (Rashid Khan) અત્યારે આઈપીએલ (IPL) મેચોના સિલસિલામાં અમદાવાદમાં છે. રમતની વ્યસ્તતા વચ્ચે પણ તેમણે આધ્યાત્મિકતા માટે સમય ફાળવ્યો હતો. જ્યારે લોકોને ખબર પડી કે તેમનો મનપસંદ ક્રિકેટર મસ્જિદમાં આવ્યો છે, ત્યારે તેમની એક ઝલક જોવા માટે હજારોની સંખ્યામાં લોકો ઉમટી પડ્યા હતા. ભીડને જોતા પોલીસ અને ખાનગી સુરક્ષા ગાર્ડ દ્વારા ચુસ્ત બંદોબસ્ત ગોઠવવામાં આવ્યો હતો. રાશિદ ખાને પણ ખૂબ જ નમ્રતાથી પોતાના ચાહકોનું અભિવાદન ઝીલ્યું હતું.
![]()
Rashid Khan ના ફોટા અને વીડિયો વાયરલ
ગુજરાત ટાઇટન્સ (Gujarat Titans) ની ટીમ હાલમાં અમદાવાદના નરેન્દ્ર મોદી સ્ટેડિયમ (Narendra Modi Stadium) ખાતે આગામી હોમ મેચની તૈયારીઓ કરી રહી છે. રાશિદ ખાન આ ટીમનો મહત્વનો હિસ્સો છે અને તેની બોલિંગ જોવા માટે અમદાવાદીઓ હંમેશા ઉત્સાહિત રહે છે. મસ્જિદની મુલાકાત બાદ સોશિયલ મીડિયા પર તેમના ફોટા અને વીડિયો વાયરલ થયા છે, જેમાં તે પરંપરાગત વસ્ત્રોમાં જોવા મળી રહ્યા છે. સ્થાનીય લોકોએ જણાવ્યું કે રાશિદ ખાન અવારનવાર શહેરની મુલાકાત લેતા હોય છે અને તેમનો સ્વભાવ ખૂબ જ મિલનસાર છે.
આ પણ વાંચો: Rashid Khan On Air Strike: કાબુલમાં પાકિસ્તાની એરસ્ટ્રાઈક પર રાશિદ ખાનનું હૃદયદ્રાવક નિવેદન,'યુદ્ધથી માત્ર નફરત જ વધશે'
