1952થી શિક્ષણની સફર
SPU ની શૈક્ષણિક પરંપરા વર્ષ 1952માં નૂતન સર્વ વિદ્યાલય કેળવણી મંડળની સ્થાપનાથી શરૂ થઈ હતી. સ્વતંત્ર સેનાની સ્વ. સાકળચંદ પટેલની શિક્ષણદૃષ્ટિએ આ પાયો મજબૂત કર્યો. વર્ષ 2016 માં SPUની સ્થાપના થઈ અને આજે તે UGC માન્યતા પ્રાપ્ત ઉત્તર ગુજરાતની અગ્રણી ખાનગી યુનિવર્સિટીઓમાં સ્થાન ધરાવે છે.
Advertisement ![Navratri Banner]()
84 એકરમાં આધુનિક કેમ્પસ
President પ્રકાશભાઈ પટેલના માર્ગદર્શન હેઠળ SPU ના 84 એકરના કેમ્પસમાં 10 હજારથી વધુ વિદ્યાર્થીઓ અભ્યાસ કરે છે. 600 થી વધુ શૈક્ષણિક કર્મચારીઓ અને 16 ફેકલ્ટી દ્વારા ગુણવત્તાયુક્ત શિક્ષણ આપવામાં આવે છે. અહીં મેડિકલ, પેરામેડિકલ, વિજ્ઞાન, ટેક્નિકલ અને કોમર્સ સહિત વિવિધ ક્ષેત્રોમાં અભ્યાસની તકો છે. શાળાથી Ph.D. સુધીનું શિક્ષણ એક જ શૈક્ષણિક માળખામાં ઉપલબ્ધ કરાવવામાં આવ્યું છે.
મૂલ્ય આધારિત અને સર્વાંગી શિક્ષણ
SPUનો અભિગમ માત્ર ડિગ્રી સુધી સીમિત નથી. વિદ્યાર્થીઓમાં જ્ઞાન, કૌશલ્ય, નેતૃત્વ, સંશોધન, સમસ્યા ઉકેલવાની ક્ષમતા અને સામાજિક જવાબદારી વિકસાવવા પર ભાર મૂકાય છે. વિદ્યાર્થીઓને સમાજ અને રાષ્ટ્રના વિકાસમાં યોગદાન આપી શકે તેવા જવાબદાર નાગરિક બનાવવાનો પ્રયાસ થાય છે.
સ્ટાર્ટઅપ અને સંશોધનને પ્રોત્સાહન
SSIP અને Student Incubation Centre દ્વારા વિદ્યાર્થીઓના નવીન વિચારોને સ્ટાર્ટઅપ અને વ્યવહારુ પ્રોજેક્ટમાં બદલવા માટે પ્લેટફોર્મ મળે છે. જ્યારે Patent Information Centre સંશોધન, નવીનતા અને પેટન્ટ માટે વિદ્યાર્થીઓને પ્રોત્સાહિત કરે છે.
ઉદ્યોગ સાથે સીધું જોડાણ
SPU અગ્રણી ઉદ્યોગો સાથે સહયોગ દ્વારા વિદ્યાર્થીઓને વાસ્તવિક ઉદ્યોગજગતનો અનુભવ, વ્યવહારુ જ્ઞાન અને પ્લેસમેન્ટની તકો આપે છે. રોજગારલક્ષી શિક્ષણ અને ભવિષ્યલક્ષી કૌશલ્ય વિકાસ દ્વારા વિદ્યાર્થીઓને બદલાતી ટેક્નોલોજી અને ઉદ્યોગની જરૂરિયાતો માટે તૈયાર કરવામાં આવે છે.
![Best University in North Gujarat, Gujarat First]()
ગોલ્ડન બુક ઓફ વર્લ્ડ રેકોર્ડ અને વિશેષ સન્માન
ઉલ્લેખનીય છે કે, ‘રાષ્ટ્ર નિર્માણમાં સહભાગી ગુજરાત’ એવોર્ડ સમારોહ દરમિયાન નોંધપાત્ર અને વિશિષ્ટ સિદ્ધિઓ બદલ અનેક સંસ્થાઓ અને મહાનુભાવોને વિશેષ સન્માન મળ્યું હતું. ગોલ્ડન બુક ઓફ વર્લ્ડ રેકોર્ડ દ્વારા સવાણી હેરીટેજ, સાકળચંદ પટેલ યુનિવર્સિટી અને ઇન્ડસ યુનિવર્સિટીને તેમની આગવી સિદ્ધિઓ બદલ પ્રમાણપત્ર એનાયત કરવામાં આવ્યા હતા. આ ઉપરાંત, ‘સ્ટુડિયો ઓન વ્હીલ્સ’ હેઠળ 200થી વધુ પોડકાસ્ટ પૂર્ણ કરવાની સિદ્ધિ બદલ ગુજરાત ફર્સ્ટના ચેનલ હેડ ડૉ. વિવેક કુમાર ભટ્ટ અને એમ.ડી. જસ્મિનભાઈ પટેલને પણ ગોલ્ડન બુક ઓફ વર્લ્ડ રેકોર્ડ તરફથી પ્રમાણપત્ર આપી વિશેષ રીતે સન્માનિત કરવામાં આવ્યા હતા.
પ્રાકૃતિક ખેતી અને રાષ્ટ્રસેવાનો સંકલ્પ
કાર્યક્રમના સમાપન સમયે ગુજરાત ફર્સ્ટના ચેનલ હેડ ડૉ. વિવેક કુમાર ભટ્ટ દ્વારા એક મહત્વપૂર્ણ સંકલ્પ લેવડાવવામાં આવ્યો હતો. ઉપસ્થિત મહાનુભાવોએ રાસાયણિક ખાતરો અને જંતુનાશકોના વધતા ઉપયોગથી જમીનને બચાવવા, પ્રાકૃતિક તથા ગૌ-આધારિત ખેતીને પ્રોત્સાહન આપવા અને રાષ્ટ્રહિતને સર્વોચ્ચ પ્રાથમિકતા આપવાની શપથ લીધી હતી. આ પહેલ દ્વારા પર્યાવરણ સંરક્ષણ, જમીનની તંદુરસ્તી અને ટકાઉ ખેતી તરફ સમાજનું ધ્યાન દોરવાનો સંદેશ આપવામાં આવ્યો હતો. સાથે જ વ્યક્તિગત અને સંસ્થાકીય વિકાસની સાથે રાષ્ટ્ર પ્રત્યેની જવાબદારી નિભાવવાનો સંકલ્પ પણ વ્યક્ત થયો હતો.
અગ્રણી મહાનુભાવોની ઉપસ્થિતિ
આ વિશેષ કાર્યક્રમમાં સિદ્ધિ ગ્રુપના ચેરમેન અને ગુજરાત ફર્સ્ટના અગ્રણી મુકેશભાઈ પટેલ, ગુજરાત ફર્સ્ટના એમ.ડી. જસ્મિનભાઈ પટેલ, ચેનલ હેડ ડૉ. વિવેક કુમાર ભટ્ટ સહિતના અગ્રણીઓ અને મહાનુભાવો ઉપસ્થિત રહ્યા હતા. સમગ્ર કાર્યક્રમ દરમિયાન શિક્ષણ, સંશોધન, ઉદ્યોગ, સામાજિક સેવા અને રાષ્ટ્રનિર્માણમાં યોગદાન આપનાર વ્યક્તિઓ તથા સંસ્થાઓની સિદ્ધિઓને બિરદાવવામાં આવી હતી.
આ પણ વાંચો : Governor Acharya Devvrat : રાષ્ટ્રનિર્માણમાં જેમનું અમૂલ્ય યોગદાન..ગુજરાતના 23 રત્નોનું વિશેષ સન્માન
