Sanand Suicide Case: "મને માફ કરજો મમ્મી-પપ્પા..." સાણંદમાં ડિઝાઇનિંગનો અભ્યાસ કરતી 19 વર્ષીય યુવતીનો આપઘાત

Sanand માં ડિઝાઇનિંગનો અભ્યાસ કરતી 19 વર્ષીય યુવતીનો આપઘાત

પ્રાપ્ત માહિતી અનુસાર, મૃતક યુવતીને એક પરણિત યુવક સાથે પ્રેમસંબંધ હતો અને આ બાબતે તેને અવારનવાર માનસિક ત્રાસ આપવામાં આવતો હતો. પરિસ્થિતિ ત્યારે વધુ વણસી જ્યારે મુખ્ય આરોપી અને તેનો પરિવાર આ મામલે સક્રિય થયો. અગાઉ આ આરોપીઓ મૃતક યુવતીના ઘરે પણ પહોંચી ગયા હતા અને યુવક સાથેના પ્રેમસંબંધો બળજબરીપૂર્વક તોડી નાખવા બાબતે તેને ગંભીર ધમકીઓ આપી હતી. સતત મળતા માનસિક ત્રાસ અને ધમકીઓથી કંટાળીને આ યુવતીએ અંતિમ પગલું ભર્યું હોવાનું સામે આવ્યું છે.

ખિસ્સામાંથી મળી આવી સ્યુસાઇડ નોટ

ઘટનાસ્થળે તપાસ દરમિયાન યુવતીના કપડાના ખિસ્સામાંથી એક સ્યુસાઇડ નોટ મળી આવી હતી, જેમાં તેણે પોતાના આપઘાત પાછળના જવાબદાર ત્રણ વ્યક્તિઓના નામ સ્પષ્ટપણે લખ્યા છે. સુસાઇડ નોટમાં આ યુવતીએ ભાવુક થઈને લખ્યું છે કે, "હું ફક્ત ને ફક્ત ચીની ગોહેલ, બુધાભુવા અને પાયલ ગોહેલના કારણે જ મરું છું... મને માફ કરજો મમ્મી-પપ્પા." આ સાથે જ યુવતીએ પોતાની અંતિમ ઈચ્છા વ્યક્ત કરતા સ્યુસાઇડ નોટમાં લખ્યું છે કે આ ત્રણેય આરોપીઓને કડકમાં કડક સજા થાય અને તેમને જેલ થાય તેવી તેની આખરી ઈચ્છા છે.

કુલ ત્રણ આરોપીઓ સામે ગુનો નોંધાયો

આ મામલે મૃતક યુવતીના પરિવારજનોની ફરિયાદના આધારે સાણંદ પોલીસ સ્ટેશનમાં પ્રેમી, તેની પત્ની અને પ્રેમીના પિતા સહિત કુલ ત્રણ આરોપીઓ સામે ગુનો નોંધીને આગળની સઘન તપાસ શરૂ કરવામાં આવી છે.

આ પણ વાંચો: Rajkot Fair: સૌરાષ્ટ્રવાસીઓની આતુરતાનો અંત, આજથી પાંચ દિવસીય લોકમેળો ખુલ્લો મૂકાશે, લાખો લોકો ઉમટશે