Shankus Entertainment દ્વારા 'Badlaav: Chapter 1' નું આયોજન, ઐતિહાસિક ગુજરાતી સંગીતનો થશે Live અનુભવ
Ahmedabad : લોકપ્રિય ગાયિકા ઈશાની દવે (Ishani Dave), શંકુસ એન્ટરટેઈનમેન્ટના (Shankus Entertainment) સહયોગ સાથે “બદલાવ: ચેપ્ટર 1” (Badlaav: Chapter 1) નામના ભવ્ય લાઇવ કોન્સર્ટ પ્રોડક્શનને રજૂ કરવા જઈ રહી છે. આ વિશિષ્ટ સંગીતમય પ્રસ્તુતિનો હેતુ વર્લ્ડ-ક્લાસ પ્રોડક્શન, ઇમર્સિવ સ્ટોરીટેલિંગ અને આધુનિક કલાત્મક દ્રષ્ટિકોણ દ્વારા આજના દર્શકો માટે ગુજરાતી સંગીતના અનુભવને નવી ઓળખ આપવાનો છે.
આ કાર્યક્રમ માત્ર પરંપરાગત સંગીત પ્રસ્તુતિ પૂરતો મર્યાદિત નથી, પરંતુ ગુજરાતી સંસ્કૃતિને (Gujarati Culture) ઊજાગર કરવા અને તેને નવી ઊંચાઈ આપવા માટેનો એક અનોખો પ્રયાસ છે. પરંપરાગત તેમ જ આધુનિક ગુજરાતી સંગીતને (Gujarati Music) એવા આધુનિક ફોર્મેટમાં રજૂ કરવામાં આવશે, જે નવી પેઢી સાથે સરળતાથી જોડાઈ શકે અને સાથે સાથે પોતાની સાંસ્કૃતિક પરંપરાઓ સાથે પણ મજબૂત રીતે સંકળાયેલું રહે.
ગુજરાતી મનોરંજન ક્ષેત્રમાં ક્યારેય ન જોવાયો હોય એવો અનોખો લાઇવ અનુભવ!
આ કોન્સર્ટ લગભગ 4 વર્ષના આયોજન, સર્જનાત્મક વિકાસ અને પ્રોડક્શન ડિઝાઇનનું પરિપૂર્ણ સ્વરૂપ છે. સંગીત ક્યુરેશન, સાઉન્ડ ડિઝાઇન, પ્રોગ્રામિંગ, વિઝ્યુઅલ સ્ટોરીટેલિંગ અને સ્ટેજ પ્રોડક્શન માટે હજારો કલાકોની મહેનત બાદ આ પ્રોજેક્ટને સાકાર કરવામાં આવ્યો છે, જેથી ગુજરાતી મનોરંજન ક્ષેત્રમાં અગાઉ ક્યારેય ન જોવાયો હોય એવો અનોખો લાઇવ અનુભવ સર્જી શકાય.
Badlaav: Chapter 1 ને એક ઇમર્સિવ સાંસ્કૃતિક અનુભવ તરીકે કલ્પવામાં આવ્યું
વિશાળ સ્તરના પ્રોડક્શન તરીકે તૈયાર કરાયેલા આ કાર્યક્રમમાં ભવ્ય સ્ટેજ સેટઅપ, સ્ટેડિયમ-ક્વોલિટી સાઉન્ડ સિસ્ટમ, ઇમર્સિવ લાઇટિંગ, વિશાળ ટ્રસ સ્ટ્રક્ચર્સ, આશરે 4,000 ચોરસ ફૂટ જેટલી એલઇડી સ્ક્રીન્સ અને સિનેમેટિક કોન્સર્ટ અનુભવ સર્જતા વિવિધ સ્પેશિયલ ઇફેક્ટ્સનો સમાવેશ કરવામાં આવ્યો છે. માત્ર ઊર્જાસભર સંગીતમય રજૂઆત પૂરતી સીમિત ન રહી, આ કોન્સર્ટને એક ઇમર્સિવ સાંસ્કૃતિક અનુભવ તરીકે કલ્પવામાં આવ્યું છે, જેમાં દરેક દૃશ્ય, અવાજ અને પ્રદર્શનનો દરેક તત્વ ગુજરાતી ઓળખ, સર્જનાત્મકતા અને કલાત્મક વિકાસની વિશાળ કહાનીને ઉજાગર કરશે.
View this post on Instagram
“બદલાવ: ચેપ્ટર 1” (Badlaav: Chapter 1) શંકુસ એન્ટરટેઈનમેન્ટ ગુજરાતી લાઇવ મનોરંજન ક્ષેત્રમાં એક નવો માપદંડ સ્થાપિત કરવાનો તેમજ પ્રાદેશિક સંગીતની વ્યાપકતા અને વૈશ્વિક ક્ષમતાને રજૂ કરવાનો ઉદ્દેશ ધરાવે છે. આ કાર્યક્રમ આગામી 6 જૂનના રોજ શંકુસ ફાર્મ, એસ.જી. હાઇવે, અમદાવાદ (Ahmedabad) ખાતે યોજાનાર છે. સંગીત, સંસ્કૃતિ, ટેક્નોલોજી અને સ્ટોરીટેલિંગને એકસાથે લાવતો આ કાર્યક્રમ ગુજરાતી દર્શકો માટે પોતાની જાતનો પ્રથમ અને અનોખો લાઇવ અનુભવ સાબિત થવાનો છે.
આ પણ વાંચો - એશિયાઈ સિંહોમાં ચેપી રોગોનાં વહેલા નિદાન માટે MP Parimanbhai Nathwani ની અપીલ