સોશિયલ મીડિયાના પ્લેટફોર્મ પર વાયરલ થયેલા એક ગીતના કારણે સામાજિક સ્તરે મોટો વિવાદ ઊભો થયો છે. ગીતમાં કરવામાં આવેલા અમુક શબ્દોના પ્રયોગને લઈને એક સમાજમાં ભારે રોષ જોવા મળી રહ્યો છે. અગાઉ પણ આ મુદ્દે કડક પ્રતિબંધો હોવા છતાં ગીત બનતા મામલો ગરમાયો છે અને દિગ્ગજ નેતાઓ તેમજ આગેવાનો દ્વારા પ્રતિક્રિયાઓ આપીને માફીની માંગ કરવામાં આવી છે.
Social Media Song Controversy Gujarat: આજના ડિજિટલ યુગમાં સોશિયલ મીડિયા (Social Media) મનોરંજનનું મોટું માધ્યમ બન્યું છે, પરંતુ ઘણીવાર સોશિયલ મીડિયા પર વાયરલ થતી કન્ટેન્ટ ગંભીર વિવાદોને જન્મ આપતી હોય છે. તાજેતરમાં સોશિયલ મીડિયા પર વાયરલ થયેલા એક સોંગના કારણે ગુજરાતમાં નવો વિવાદ વકર્યો છે. આ વાયરલ સોંગમાં ઠાકોર સમાજ (Thakor Samaj) માટે અમુક વિવાદિત અને પ્રતિબંધિત શબ્દોનો ઉપયોગ કરવામાં આવ્યો હોવાના ગંભીર આક્ષેપો થઈ રહ્યા છે.
સોંગમાં પ્રતિબંધીત શબ્દોનો ઉપયોગ કરાયો
પ્રાપ્ત વિગતો અનુસાર, જે શબ્દનો સોંગમાં ઉપયોગ કરવામાં આવ્યો છે તેના પર વર્ષો અગાઉથી કાયદાકીય અને સામાજિક પ્રતિબંધ (Banned Words) મુકાયેલો છે. આ બાબતની ગંભીરતાને ધ્યાનમાં રાખીને સાંસદ ભરતસિંહ ડાભી (MP Bharatsinh Dabhi) દ્વારા સત્તાવાર રીતે રજૂઆત કરવામાં આવી છે. ગીતના માધ્યમથી સમાજની લાગણી દુભાતા ઠાકોર સમાજ અને યુવાનોમાં સોશિયલ મીડિયા પર ભારે રોષ જોવા મળી રહ્યો છે. લોકો દ્વારા આ પ્રકારની રચનાઓ સામે કાયદેસરની કાર્યવાહી કરવાની માંગ ઉઠી રહી છે.
કોળી સમાજના ઉપાધ્યક્ષ પ્રવીણ કોળીનું નિવેદન
આ સમગ્ર વિવાદ વચ્ચે અખિલ ભારતીય કોળી સમાજના ઉપાધ્યક્ષ પ્રવીણ કોળી (Praveen Koli) દ્વારા પણ સ્પષ્ટ અને આક્રમક નિવેદન આપવામાં આવ્યું છે. તેમણે જણાવ્યું છે કે કોઈપણ સમાજની લાગણી દુભાય તેવું કૃત્ય ચલાવી લેવાય નહીં, અને આ સોંગ બનાવનાર વ્યક્તિએ જાહેરમાં ઠાકોર સમાજની માફી માંગવી જોઈએ. આ નિવેદનને કારણે મામલો વધુ ગરમાયો છે. સોશિયલ મીડિયા પર વધી રહેલા આ વિવાદને પગલે આગામી સમયમાં કયા પ્રકારના પગલાં લેવાય છે અને રચનાકાર સામે શું કાર્યવાહી થાય છે તે જોવું રહ્યું.
આ પણ વાંચો: Hansa Rajyoga 2026 : ઓગસ્ટમાં બનશે હંસ રાજયોગ! આ 4 રાશિઓને મોટો લાભ
