આ વખતની રથયાત્રામાં શહેર પોલીસ ટીઝર ગન વડે હશે સજ્જ

અમદાવાદમાં આગામી દિવસોમાં ૧૪૫મી રથયાત્રા યોજાવવા જઈ રહી છે જેના ભાગ સ્વરૂપે અમદાવાદ શહેર ક્રાઈમ બ્રાંચ કે જેમના માથે ભગવાન જગન્નાથજીના રથની સંપૂર્ણ જવાબદારી રહેતી હોય છે.કોઈપણ અનિચ્છનીય બનાવ બને નહી તેના માટે થઈને શહેર પોલીસે બંદોબસ્તની તમામ  તૈયારીઓ પૂર્ણ કરી દીધી છે. આ વખતની રથયાત્રા ખુબ જ મહત્વની માનવામાં આવી રહી છે.તેની પાછળનું પણ એક કારણ છે કે કોરોના લીધે બે વર્ષથી રથયાત્રા ભક્તો વગર જ યોજાઈ હતી. બે વર્ષ બાદ ફરી એક વખત આ વખતે ભક્તો સાથે રથયાત્રા યોજાવાની છે. જેના લીધે શહેર પોલીસે પણ બંદોબસ્તની રૂપરેખામાં બદલાવ કર્યો છે.૧૪૫મી રથયાત્રામાં સૌ પ્રથમ વખત ટીઝર ગનનો ઉપયોગ કરવામાં આવી રહ્યો છે. જેમાં કુલ ૨૦ જેટલી ટીઝર ગન જોડે  ક્રાઈમ બ્રાન્ચના અધિકારીઓ રથયાત્રામાં સામેલ રહેશે.