અમદાવાદમાં થઈ વિશ્વ યોગ દિવસની અનોખી રીતે ઉજવણી

21 જુને વિશ્વ યોગ દિવસ નિમિત્તે સવારે 7 થી 8 વાગ્યા દરમિયાન આઠ વર્ષના બાળકોથી લઈને મોટી વયના વ્યક્તિઓ મોટરસાયકલ તેમજ એક્ટિવા પર સવાર થઈને યોગ કર્યા હતા. તેમના દાવા પ્રમાણે  ભારતમાં પહેલી વાર મોટરસાઈકલ પર યોગાસન કરવામાં આવ્યા. મણિનગરની થર્ડ આઈ યોગાની ટીમ ના 40 સભ્યોએ બાઈક પર યોગા કર્યા હતા. તેઓના આ  પ્રકારે યોગાસનો જોઈને સૌ કોઈ ચકિત થઈ ગયા હતા. બાઈક પર પ્રોપર બેલેન્સ કરીને સૌએ યોગા કર્યા અને સ્થાનિકોના મન મોહી લીધા હતા. રામોલ પાસેના ગતરાળ ગામના રીયલ એકેડેમીના મેદાનમાં આઠ વષઁ થી લઈને ૫૦ વષઁ ના યુવક યુવતીઓ પણ યોગમાં જોડાયા હતા. વહેલી સવારે બાઈકો પર યોગના વિવિધ આસનો કરીને વિશ્વ યોગ દિનની સાર્થક ઉજવણી કરવામાં આવી. માનસિક શાંતિ અને તનની તંદુરસ્તી માટે યોગ જરૂરી હોવાનું આ યોગ ટીમે બાઈક પર વિવિધ યોગ કરીને સાબિત કર્યું હતું.