રાજ્યમાં આજે કોરોના કેસમાં ઉછાળો, 894 નવા કેસ નોંધાયા

રાજ્યમાં આજે પણ કોરોના નવા કેસમાં વધારો નોંધાયો છે.  છેલ્લાં 24 કલાકમાં રાજ્યમાં  કોરોનાના 894 કેસ નોંધાયા છે. બીજી તરફ રાજ્યમાં કોરોના સંક્રમણથી 691 દર્દીઓ સાજા થયા છે.  જો કે આજે રાજ્યમાં કોરોનાથી એક પણ દર્દીનું મોત થયું નથી. હાલમાં કોરોનાનો રિકવરી રેટ ઘટીને 98.71 ટકા થઈ ગયો છે.

હાલમાં ગુજરાત રાજ્યમાં 5099 એક્ટિવ કેસ છે. જેમાંથી 08 દર્દી વેન્ટિલેટર પર છે. જ્યારે 5091 દર્દીઓ સ્ટેબલ છે. રાજ્યમાં કોરોનાને અત્યાર સુધીમાં કુલ 12,28,955 દર્દીઓ સાજા થઇ  ચૂક્યાં છે. જ્યારે રાજ્યમાં કોરોના વાયરસને કારણે કુલ 10,954 લોકોના મોત થયા છે. 

છેલ્લાં 24 કલાકમાં રાજ્યમાં નવા નોંધાયેલા કોરોના કેસની જો વાત કરવામાં આવે તો અમદાવાદ કોર્પોરેશનમાં સૌથી વધુ 295 કેસ નોંધાયા છે, જ્યારે વડોદરા કોર્પોરેશનમાં 65, સુરત કોર્પોરેશનમાં 54, મહેસાણા 45, પાટણ 38, ગાંધીનગર 31, રાજકોટ કોર્પોરેશન 31, કચ્છ 30, ગાંધીનગર કોર્પોરેશન 27, સુરત 24, દેવભૂમિ દ્વારકા 23, ભાવનગર કોર્પોરેશન 22, બનાસકાંઠા 21, વલસાડ 19, ભરૂચ 18, રાજકોટ 18, વડોદરા 16, આણંદ 15, મોરબી 15, સાબરકાંઠા 15, પોરબંદર 10, અમદાવાદ 8, જામનગર કોર્પોરેશન 7, ખેડા 7, નવસારી 7, અમરેલી 6, પંચમહાલ 5, અરવલ્લી 4, સુરેન્દ્રનગર 4, તાપી 4, ભાવનગર 3, ગીર સોમનાથ 3, દાહોદ 2, જામનગર 2 એમ કુલ 894 કેસ નોધાયા છે.

ગુજરાતમાં રસીકરણની ઝુંબેશ પણ જોરશોરથી ચાલુ છે. રાજ્યમાં આજે સાંજે 5 વાગ્યા સુધીમાં કુલ 1,93,074 લોકોને રસીના ડોઝ આપવામાં આવ્યા છે.18-59 વર્ષના લોકોને 161638 પ્રીકોશન ડોઝ આપવામાં આવ્યા છે. અત્યાર સુધીમાં કુલ 11,28,32,132 રસીના ડોઝ આપવામાં આવ્યો છે.