Amreli Lion Death News: ખેતરની જાળીમાં ફસાઈ જતા સિંહબાળનું મોત, તંત્ર દ્વારા ઘટના છુપાવવાની કોશિશ?

Amreli માં વધુ એક સિંહબાળના મૃત્યુથી ખળભળાટ

આ ગંભીર ઘટના સામે આવ્યા બાદ સ્થાનિક વન વિભાગની ભૂમિકા શંકાના ઘેરામાં આવી ગઈ છે. સિંહબાળનું મોત થયાની જાણ થતાં જ જાફરાબાદ રેન્જ વનવિભાગની ટીમ દ્વારા આ સમગ્ર મામલાને લોકોની નજરમાંથી છુપાવવા અને ઘટનાને દબાવી દેવાનો એડીચોટીનું જોર લગાવીને પ્રયાસ કરવામાં આવ્યો હોવાના ગંભીર આક્ષેપો થઈ રહ્યા છે. ગીરના જંગલો અને આસપાસના વિસ્તારોમાં એશિયા સિંહોની સુરક્ષા માટે  મોટા દાવા કરવામાં આવે છે, પરંતુ જમીની હકીકત એ છે કે સુરક્ષાના અભાવે અવારનવાર વન્યપ્રાણીઓ આવા અકસ્માતોનો ભોગ બની રહ્યા છે અને તંત્ર દ્વારા પારદર્શક તપાસ કરવાના બદલે માહિતી છુપાવવાની કોશિશ કરવામાં આવે છે.

વનવિભાગની ભૂમિકા સવાલોના ઘેરામાં

આ ઘટનાએ ફરી એકવાર વન્યજીવ પ્રેમીઓ અને પ્રકૃતિવિદોમાં ભારે રોષ ફેલાવ્યો છે. એક માસના નાનકડા સિંહબાળના અકાળે અવસાનથી વન્યજીવ સંરક્ષણ સામે ગંભીર જોખમો ઉજાગર થયા છે. ખેતરોમાં સુરક્ષાના નામે લગાવવામાં આવતી ઘાતક જાળીઓ હવે નિર્દોષ વન્યપ્રાણીઓ માટે ઘાતક ફાંસીઘર સાબિત થઈ રહી છે. આ મામલે ઉચ્ચ કક્ષાએથી નિષ્પક્ષ તપાસ હાથ ધરીને ઘટનાને દબાવવા પ્રયાસ કરનાર જવાબદાર અધિકારીઓ સામે કડક કાર્યવાહી કરવામાં આવે તેવી પ્રબળ લોકમાગ ઉઠી રહી છે.

આ પણ વાંચો: Ahmedabad Rickshaw Strike: અમદાવાદમાં રિક્ષા-ટેક્સી ચાલકોની હડતાળનો બીજો દિવસ, એરપોર્ટ પર મુસાફરો બેહાલ, ડબલ ભાડાની માંગ