Amreli News : CM ભૂપેન્દ્રભાઈ પટેલ અમરેલીની મુલાકાતે, વૃક્ષારોપણથી લઈને સાંસ્કૃતિક કાર્યક્રમ સુધીના કાર્યક્રમોમાં રહેશે હાજર

Amreli News : અમરેલીમાં બાઇક રેલીને કરાવશે પ્રસ્થાન

પ્રવાસની શરૂઆત કરતા મુખ્યમંત્રી સૌપ્રથમ પ્રખ્યાત નાગનાથ મહાદેવ મંદિર ખાતે પહોંચીને ભગવાન શિવના દર્શન અને પૂજા-અર્ચના કરશે. ત્યારબાદ તેઓ ગજેરા શૈક્ષણિક સંકુલની મુલાકાત લઈ વિદ્યાર્થીઓ અને સંચાલકો સાથે સંવાદ કરશે.

આ મુલાકાતનો મુખ્ય આકર્ષણ દિનપ્રતિદિન વધતા પર્યાવરણ પ્રત્યેના જાગૃતિ અભિયાનનો છે. મુખ્યમંત્રી વરસડા ગામ ખાતે યોજાનાર વૃક્ષારોપણ કાર્યક્રમમાં ઉત્સાહભેર જોડાશે અને પર્યાવરણ રક્ષણનો સંદેશ આપશે. આ સાથે જ વ્યાયામ મંદિર ખાતે આયોજિત વિશેષ શસ્ત્ર પ્રદર્શન નિહાળશે તેમજ અમરેલી શહેરમાં યુવાનોમાં ઉત્સાહ ભરવા માટે બાઇક રેલીને લીલી ઝંડી આપી પ્રસ્થાન કરાવશે.

ગજેરા શૈક્ષણિક સંકુલની લેશે વિશેષ મુલાકાત

દેશના સ્વાતંત્ર્ય સંગ્રામ અને ઇતિહાસની યાદમાં પટેલ મેડિકલ કોલેજ ખાતે વિભાજન વિભીષિકા કાર્યક્રમ યોજાશે, જેમાં મુખ્યમંત્રી ખાસ ઉપસ્થિત રહેશે. સાંજના સમયે કે.કે. પારેખ વિદ્યાલયમાં 'એટ હોમ' કાર્યક્રમમાં હાજરી આપી અગ્રણીઓ સાથે મુલાકાત કરશે અને અંતમાં કમાણી ફોરવર્ડ હાઈસ્કૂલ ખાતે ભવ્ય સાંસ્કૃતિક કાર્યક્રમ નિહાળી દિવસની પ્રવૃત્તિઓનું સમાપન કરશે.

આ પણ વાંચો : Gujarat Rain : રાજ્યમાં મેઘરાજાની ધમાકેદાર બેટિંગ,છેલ્લા 24 કલાકમાં 159 તાલુકામાં ખાબક્યો વરસાદ