Amreli: 'જો કોઈને કહીશ તો જાનથી મારી નાખીશ' ધમકી આપી સગીરા પર કિશોરે દુષ્કર્મ આચરતા ચકચાર

સગીરા કુદરતી હાજતે ગઈ હતી ત્યારે ઝાડીઓમાં ખેંચી ગયો

મળતી જાણકારી અનુસાર ભોગ બનનાર સગીરા કુદરતી હાજતે ગઈ હતી, ત્યારે કિશોરે તેને ઝાડીઓમાં ખેંચી જઈને હવસનો શિકાર બનાવી હતી. પીડિતાએ પોતાને છોડી દેવા માટે 'હું નાની છું, રહેવા દે' તેમ કહીને ખૂબ આજીજી કરી હતી, છતાં  કિશોરે નિર્દયતાથી દુષ્કર્મ આચર્યું હતું.

અગાઉ પણ દુષ્કર્મ આચર્યાનો ભાંડો ફૂટ્યો

તપાસમાં સામે આવ્યું છે કે તેણે અગાઉ પણ સગીરા સાથે દુષ્કર્મ આચર્યું હોવાનું તપાસમાં બહાર આવ્યું છે. આરોપ છે કે કિશોરે  ભોગ બનનાર સગીરાને આ મામલે મૌન રાખવા માટે ધમકાવી હતી અને જો કોઈને વાત કરીશ તો જાનથી મારી નાખવાની ધમકી આપી હતી. આટલી નાની વયમાં આ પ્રકારની ગુનાહિત માનસિકતાએ સૌને સ્તબ્ધ કરી દીધા છે.

કિશોર સામે કડક કાર્યવાહી

ભોગ બનનાર સગીરાના દાદાએ હિંમત દાખવી સમગ્ર મામલે રાજુલા પોલીસ મથકમાં ફરિયાદ નોંધાવી હતી. આ ગંભીર ગુનાની ગંભીરતાને ધ્યાને લઈને રાજુલા પોલીસે ભારતીય ન્યાય સંહિતા (BNS) અને પોક્સો (POCSO) એક્ટની વિવિધ કલમો હેઠળ ગુનો દાખલ કર્યો છે. પોલીસ દ્વારા કિશોરને ડિટેઈન કરીને કાયદેસરની કાર્યવાહી હાથ ધરવામાં આવી છે.

આ પણ વાંચોઃ Aravalli: 'ઉભો થા નહિ તો વધુ મારીશ', પ્રેમ સંબંધની શંકામાં યુવકની કરપીણ હત્યા, આ રીતે પકડાયો આરોપી!