Amreli Tragedy: અમરેલી તાલુકાના પીપળલગ ગામેથી એક અત્યંત હૃદયદ્રાવક અને કમનસીબ ઘટના સામે આવી છે, જ્યાં ગામના તળાવમાં ડૂબી જવાથી બે સગા માસૂમ ભાઈઓનાં કરુણ મોત નીપજ્યાં છે. આ દુર્ઘટનામાં મૃત્યુ પામનાર બંને સગા ભાઈઓની ઉંમર અંદાજે 12 વર્ષ અને 10 વર્ષ હતી.
Amreli Tragedy: અમરેલી તાલુકાના પીપળલગ ગામેથી એક અત્યંત હૃદયદ્રાવક અને કમનસીબ ઘટના સામે આવી છે, જ્યાં ગામના તળાવમાં ડૂબી જવાથી બે સગા માસૂમ ભાઈઓનાં કરુણ મોત નીપજ્યાં છે. આ દુર્ઘટનામાં મૃત્યુ પામનાર બંને સગા ભાઈઓની ઉંમર અંદાજે 12 વર્ષ અને 10 વર્ષ હતી. પ્રાપ્ત વિગતો અનુસાર, બંને બાળકો કોઈક કારણોસર ગામના તળાવમાં ડૂબી ગયા હતા, જેના કારણે સમગ્ર પંથકમાં ભારે શોકનું મોજુ ફરી વળ્યું છે.
Amreli ના પીપળલગ ગામે તળાવમાં બે સગા ભાઈઓ ડૂબ્યા
રાત્રિના સુમારે જિલ્લા પોલીસ કંટ્રોલ રૂમ તરફથી ફાયર વિભાગને આ ઘટના અંગે ટેલિફોનિક જાણ કરવામાં આવી હતી. માહિતી મળતાની સાથે જ અમરેલી ફાયર સર્વિસની આખી ટીમ તાત્કાલિક ઘટનાસ્થળે દોડી ગઈ હતી. રાત્રિના ઘનઘોર અંધકાર વચ્ચે પણ ફાયર ટીમે પોતાની સૂઝબૂઝ અને સરાહનીય કામગીરી દાખવીને રેસ્ક્યુ ઓપરેશન હાથ ધર્યું હતું. આશરે 30 મિનિટની ભારે જહેમત અને સંઘર્ષ બાદ ફાયર ટીમે તળાવમાંથી બંને બાળકોના મૃતદેહ બહાર કાઢવામાં સફળતા મેળવી હતી.
બંને બાળકોની ઉંમર અંદાજે 12 અને 10 વર્ષ
કમનસીબે પાણીમાં ડૂબી જવાના કારણે બંને બાળકોના મોત થયા હતા. આ ઘટનામાં મૃત્યુ પામનાર બાળકોના નામ સંજયભાઈ કાળુભાઈ ભાસ્કર (ઉંમર અંદાજે 12 વર્ષ) અને પ્રિન્કભાઈ કાળુભાઈ ભાસ્કર (ઉંમર અંદાજે 10 વર્ષ) હોવાનું સામે આવ્યું છે. ફાયર ટીમ દ્વારા બંને બાળકોના મૃતદેહને આગળની કાયદેસરની કાર્યવાહી તથા પીએમ (પોસ્ટમોર્ટમ) અર્થે સ્થાનિક પોલીસને સુપરમાર્ટ કરવામાં આવ્યા છે. એક જ પરિવારના બે સગા વ્હાલસોયા પુત્રોના અચાનક આ રીતે મોત થતાં પીપળલગ ગામમાં અરેરાટી વ્યાપી ગઈ છે અને પરિવારજનોના આક્રંદથી વાતાવરણ ગમગીન બન્યું છે.
આ પણ વાંચો: Bhavnagar Latthakand Update: લઠ્ઠાકાંડમાં વધુ 13 આરોપીઓના રિમાન્ડ પૂરા થતાં જેલ હવાલે
