Amreli: ખાંભામાં પોલીસની મોટી કાર્યવાહી, દેશી બનાવટની પિસ્ટલ સાથે મધ્યપ્રદેશના શખ્સને પકડ્યો

પિસ્ટલ-કારતૂસ સહિતનો મુદ્દામાલ જપ્ત

પોલીસની પ્રાથમિક તપાસમાં બહાર આવ્યું છે કે, આ ઘાતક હથિયાર અન્ય રાજ્યમાંથી લાવવામાં આવ્યું હતું અને આરોપી કોઈને તેની ડિલિવરી (Delivery) આપવા જઈ રહ્યો હતો. જોકે, પોલીસે યોગ્ય સમયે દરોડો પાડી આરોપીને દબોચી લીધો. આરોપી પાસેથી પિસ્ટલ અને કારતૂસ ઉપરાંત એક મોબાઇલ ફોન અને એક શંકાસ્પદ ચિઠ્ઠી પણ મળી આવી છે, જે તપાસમાં મહત્વનો પુરાવો બની શકે છે.

પોલીસે વધુ તપાસ હાથ ધરી

ખાંભા પોલીસે આ સમગ્ર મામલે આર્મ્સ એક્ટની કલમ 25(1)(B)(A) અને 29 હેઠળ ગુનો નોંધી કાયદેસરની કાર્યવાહી શરૂ કરી છે. હાલ પોલીસ આ કેસની ગહન તપાસ કરી રહી છે, જેમાં મુખ્યત્વે આ પિસ્ટલ ક્યાં તૈયાર કરવામાં આવી હતી, તે કયા રસ્તેથી ગુજરાતમાં આવી, કોના કહેવાથી મંગાવવામાં આવી હતી અને તેનો ઉપયોગ કયા ગુનાહિત કૃત્ય માટે થવાનો હતો, તે દિશામાં તપાસનો ધમધમાટ શરૂ થયો છે.

આ નેટવર્ક સાથે જોડાયેલા અન્ય શખ્સો એટલે કે હથિયાર સપ્લાય કરનાર (Weapon Supplier) અને મંગાવનાર ઈસમ સુધી પહોંચવા પોલીસ તમામ પ્રયાસો કરી રહી છે.

આ પણ વાંચોઃ Amreli: 'મારી વીજ લાઇન પહેલા ચાલુ કરી આપો' કહી PGVCL કર્મચારી પર હુમલો, જાણો સમગ્ર મામલો