Anand Encounter Update: સુરેશ પરમારનું પોસ્ટમોર્ટમ પૂર્ણ, મૃતદેહ પરિવારને સોંપાયો, જાણો સમગ્ર મામલો

કરમસદ મેડિકલ ખાતે વીડિયોગ્રાફી સાથે પોસ્ટમોર્ટમ પૂર્ણ

એન્કાઉન્ટરની આ ઘટના બાદ કાયદાકીય પ્રક્રિયાના ભાગરૂપે આરોપી સુરેશ પરમારના મૃતદેહનું પોસ્ટમોર્ટમ (Postmortem) કરવાની કાર્યવાહી કરવામાં આવી હતી. કરમસદ મેડિકલ કોલેજ ખાતે તબીબોની વિશેષ પેનલ દ્વારા સમગ્ર પોસ્ટમોર્ટમની પ્રક્રિયા વીડિયોગ્રાફી હેઠળ પૂર્ણ કરવામાં આવી હતી. તમામ ન્યાયિક અને તબીબી પ્રક્રિયાઓ પૂરી થયા બાદ પોલીસે મૃતદેહને આગળની અંતિમવિધિ માટે તેના પરિવારજનોને રીતે સોંપી દીધો છે

ક્રાઈમ સીન રિકન્સ્ટ્રક્શન વેળાએ આરોપીનો પોલીસ પર હુમલો

આ ઘટના ત્યારે બની હતી જ્યારે પોલીસ ટીમ આરોપી સુરેશ પરમારને ઘટનાસ્થળે ક્રાઈમ સીન રિકન્સ્ટ્રક્શન માટે લઈ જઈ રહી હતી. તે દરમિયાન વાસદ નજીક આરોપીએ ઉલટી કરવાના બહાને ગાડી ઊભી રખાવવાની વિનંતી કરી હતી. જેવી ગાડી ઊભી રાખી અને તે નીચે ઉતર્યો, કે તરત જ તેણે અગાઉથી છુપાવેલું એક તીક્ષ્ણ હથિયાર બહાર કાઢીને પોલીસ ટીમ પર અચાનક જીવલેણ હુમલો કરી દીધો હતો.

આરોપીનું એન્કાઉન્ટરમાં મોત

આ અણધાર્યા હુમલામાં બે પોલીસકર્મીઓ ગંભીર રીતે ઇજાગ્રસ્ત થયા હતા, જેને પગલે તેમને તાત્કાલિક કરમસદ હોસ્પિટલમાં સારવાર અર્થે ખસેડવામાં આવ્યા હતા. આરોપીનો આક્રમક વ્યવહાર જોઈને ઘટનાસ્થળે હાજર પીઆઈ રાણાએ તેને રોકવા માટે હવામાં ફાયરિંગ કર્યું હતું. તેમ છતાં આરોપી અટક્યો ન હતો અને પોલીસ ટીમ પર હુમલો કરવા ધસી આવ્યો હતો. જેથી પોલીસકર્મીઓના પ્રાણ બચાવવા માટે સ્વબચાવમાં ફરજિયાત ફાયરિંગ કરવું પડ્યું હતું, જેમાં આરોપીનું ઘટનાસ્થળે જ મોત નિપજ્યું હતું.

આ પણ વાંચોઃAnand: 'PSI પર આરોપી ધસી આવતા સ્વબચાવમાં ફાયરિંગ કર્યું', આરોપીના એકાઉન્ટર બાદ પોલીસ વડાના મોટા ખુલાસા, જાણો

આ પણ વાંચોઃAnand Encounter: અપહરણ અને હત્યાના આરોપીનું એન્કાઉન્ટર, FSLની ટીમ ઘટનાસ્થળે

 આ પણ વાંચોઃ Anand Encounter: 'નરાધમોને કંટ્રોલમાં રાખવાનું કામ જ પોલીસનું', આરોપીના એકાઉન્ટર બાદ DyCM હર્ષભાઈ સંઘવીનું નિવેદન