Anand News: બોરસદમાં પી.આઈ. પી.પી. વસાવાએ બાઈકને અડફેટે લીધું, બે યુવકો ઘાયલ

Anand ના બોરસદમાં PI પી.પી. વસાવાએ સર્જ્યો અકસ્માત

બાઈકને ટક્કર માર્યા બાદ પી.આઈ. વસાવા ત્યાં રોકાવાને બદલે પોતાની કાર લઈને નાપા તરફ પૂરઝડપે ફરાર થઈ ગયા હતા. જોકે, તેમની આ બેદરકારી લાંબો સમય ન ચાલી. નાપા પાસે તેમની કાર કાબૂ બહાર જઈને એક દીવાલ સાથે અથડાઈ હતી અને ત્યારબાદ ગાડી નજીકની ઝાડીઓમાં જઈને ઉતરી ગઈ હતી. અકસ્માત બાદ સ્થાનિક લોકો ઘટનાસ્થળે એકઠા થઈ ગયા હતા અને કારમાં સવાર પી.આઈ.ને ઝડપી લીધા હતા.

PIને સ્થાનિકોએ મેથીપાક ચખાડ્યો અને  પોલીસના હવાલે કર્યા

સ્થાનિકોએ નશામાં ધૂત PI પી.પી. વસાવાને ઝડપી લીધા બાદ તેમને સબક શીખવવા 'મેથીપાક' ચખાડ્યો હતો અને ત્યારબાદ સમગ્ર મામલે પોલીસને જાણ કરી હતી. પોલીસની પ્રાથમિક તપાસ દરમિયાન કારમાંથી પોલીસના બુટ, ટોપી અને ઓળખકાર્ડ મળી આવ્યા હતા, જે સાબિત કરે છે કે કાર પી.આઈ.ની જ હતી. આ ઘટનાને પગલે સમગ્ર વિસ્તારમાં ભારે ચકચાર મચી ગઈ છે. હાલમાં બોરસદ ગ્રામ્ય પોલીસે આ સમગ્ર મામલે તપાસ હાથ ધરી છે અને આરોપી પી.આઈ. સામે કાયદેસરની કાર્યવાહી કરવાની પ્રક્રિયા શરૂ કરી છે.

આ પણ વાંચો: Gujarat Bomb Threat News: રથયાત્રા પૂર્વે ગુજરાતની વિવિધ પોસ્ટ ઓફિસોને મળી બોમ્બની ધમકી, પોલીસ એલર્ટ