Aravalli News: અરવલ્લીના શામળાજી નજીક CCTV થાંભલામાં આગ, કેમેરાઓને મોટું નુકસાન

મોડાસા ફાયર બ્રિગેડે આગ કાબૂમાં લીધી

ઘટનાની જાણ થતાં જ મોડાસા ફાયર બ્રિગેડની ટીમ તાત્કાલિક ઘટનાસ્થળે પહોંચી હતી. ફાયર કર્મચારીઓએ ઝડપી કામગીરી હાથ ધરી આગને વધુ ફેલાતી અટકાવી હતી. થોડા સમયની જહેમત બાદ આગ પર સંપૂર્ણ કાબૂ મેળવી લેવાયો હતો, જેના કારણે આસપાસના વિસ્તારોમાં વધુ નુકસાન થતું અટક્યું.

CCTV સિસ્ટમને મોટું નુકસાન

પ્રાથમિક માહિતી મુજબ આગ સીસીટીવી કેમેરા અને તેની સાથે જોડાયેલા વીજ ઉપકરણોમાં લાગી હતી. ઘટનાના કારણે ત્યાં લગાવવામાં આવેલી દેખરેખ વ્યવસ્થાને ભારે નુકસાન પહોંચ્યું છે. આગની જ્વાળાઓ અને ધુમાડાના કારણે લાખો રૂપિયાના સીસીટીવી કેમેરા અને અન્ય ઇલેક્ટ્રોનિક સાધનો બળી ગયા હોવાની શક્યતા વ્યક્ત કરવામાં આવી રહી છે.

આગના કારણોની તપાસ શરૂ

આગ લાગવાનું ચોક્કસ કારણ હજુ સુધી સામે આવ્યું નથી.  જેથી આગ લાગવાનું ચોક્કસ કારણ જાણવા તપાસ હાથ ધરાઈ છે.

આ પણ વાંચોઃ Anand News: આણંદ રેલવે સ્ટેશન પાસે માલગાડી પાટા પરથી ઉતરી પડી, સદભાગ્યે ઘટનામાં કોઈ જાનહાની નહીં