કાર રેટ્રોફિટિંગ એટલે શું?

રેટ્રોફિટિંગ એટલે જૂની કારમાંથી પરંપરાગત પેટ્રોલ-ડીઝલ એન્જિન (ICE), ફ્યુઅલ ટાંકી અને ગિયરબોક્સને સંપૂર્ણપણે બહાર કાઢી લેવા. તેના સ્થાને કારમાં ઇલેક્ટ્રિક મોટર (Electric Motor), પાવર કંટ્રોલર અને શક્તિશાળી લિથિયમ-આયન બેટરી પેક (Lithium-ion Battery Pack) ફિટ કરવામાં આવે છે. આ પ્રક્રિયા માટે ARAI દ્વારા પ્રમાણિત કંપનીઓની ખાસ ડિઝાઇન કરેલી ઇવી કન્વર્ઝન કીટ (EV Conversion Kit) નો ઉપયોગ કરવામાં આવે છે, જે જૂની કારને નવું આયુષ્ય આપે છે.

કારને ઇલેક્ટ્રિક બનાવવામાં કેટલો ખર્ચ થશે?

આ રૂપાંતરણનો ખર્ચ મુખ્યત્વે બેટરીના કદ (Battery Size) અને મોટરની ક્ષમતા પર આધાર રાખે છે. જો તમે નાની હેચબેક કારને રોજિંદા સ્થાનિક વપરાશ માટે તૈયાર કરાવો, તો અંદાજિત પ્રારંભિક ખર્ચ 3 થી 6 લાખ રૂપિયા સુધીનો થઈ શકે છે. પણ જો તમને 200 થી 300 કિલોમીટરની લાંબી રેન્જ (Long Range) અને મોટો બેટરી પેક જોઈતો હોય, તો આ ખર્ચ 10 લાખ રૂપિયા સુધી પહોંચી શકે છે. જેના પર ઓટોમોબાઈલ નિષ્ણાતો (Experts) નું માનવું છે કે જૂની કાર પાછળ 10 લાખ રૂપિયા ખર્ચવા નુકસાનકારક સોદો હોઈ શકે છે, કારણ કે આજકાલ બજારમાં આ જ કિંમતે નવી ઇલેક્ટ્રિક કાર સરળતાથી મળી રહે છે.

RTO ની મંજૂરી પ્રક્રિયા

તમારી કારમાં ઇલેક્ટ્રિક કીટ ફિટ કર્યા બાદ તેને રસ્તા પર કાયદેસર (Legal) રીતે ચલાવવા માટે પ્રાદેશિક પરિવહન કચેરી (RTO) ની મંજૂરી લેવી ફરજિયાત છે.

• સૌપ્રથમ, તમારે RTO માં જઈને વાહનનું જૂનું પેટ્રોલ/ડીઝલ રજીસ્ટ્રેશન (Registration) રદ કરાવવું પડશે.
• ત્યારબાદ, સરકાર માન્ય એજન્સી પાસેથી જ ઇવી કીટ ઇન્સ્ટોલ કરાવવી પડશે.
• કન્વર્ઝન પૂર્ણ થયા બાદ RTO અધિકારીઓ વાહનનું બારીકાઈથી નિરીક્ષણ (Inspection) કરશે.
• બધું યોગ્ય જણાતા જ તમારા રજીસ્ટ્રેશન સર્ટિફિકેટ (RC Book) માં ફેરફાર કરીને વાહનને લીલી નંબર પ્લેટ (Green Number Plate)
• આપવામાં આવશે, જેથી કાર સ્ક્રેપ થવાનું જોખમ હંમેશા માટે ટળી જશે.

આ પણ વાંચો : EV Monsoon Care Tips : ચોમાસામાં ઇલેક્ટ્રિક કાર ચલાવતા પહેલા આ બાબતોનું ખાસ ધ્યાન રાખો, નહીંતર થઈ શકે છે મોટું નુકસાન