ખેડૂતોની આવકમાં વધારો અને પર્યાવરણનું રક્ષણ

એથેનોલના ઉત્પાદન (Production) માટે દેશના ખેડૂતો પાસેથી મોટા પાયે શેરડી અને અન્ય અનાજની ખરીદી કરવામાં આવી છે, જેના બદલામાં તેમને ₹1.60 લાખ કરોડનું રેકોર્ડ ચુકવણી (Payment) કરવામાં આવ્યું છે. આ આર્થિક ફાયદાની સાથે પર્યાવરણ સુરક્ષાના મોરચે પણ મોટી સિદ્ધિ મળી છે; એથેનોલના મિશ્રણને કારણે દેશમાં આશરે 930 લાખ મેટ્રિક ટન કાર્બન ડાયોક્સાઈડ (Carbon Dioxide) ના ઉત્સર્જનમાં ઘટાડો નોંધાયો છે.

માઇલેજ ઘટવાની અફવાઓનું ખંડન

કેન્દ્રીય મંત્રીએ ગાડીઓનું માઇલેજ (Mileage) ઘટી જવાની વાતોને તદ્દન ખોટી ગણાવી છે. તેમણે સ્પષ્ટ કર્યું કે ઉપલબ્ધ વૈજ્ઞાનિક પરીક્ષણો (Tests) અને વાસ્તવિક અનુભવો આ દાવાઓથી બિલકુલ વિપરીત ચિત્ર દર્શાવે છે. એથેનોલના યોગ્ય ઇસ્તેમાલથી એન્જિનની કાર્યક્ષમતા (Engine Performance) વધુ સારી બને છે, ગાડીનું પિકઅપ એટલે કે એક્સિલરેશન (Acceleration) વધે છે અને એન્જિન નોકિંગ (Engine Knocking) ની સમસ્યા ઓછી થાય છે. જો માઇલેજમાં આંશિક ફેરફાર દેખાય પણ, તો તેની પાછળ ખરાબ રસ્તા, ટ્રાફિક (Traffic), ટોલ પ્લાઝા અને ડ્રાઇવિંગ સ્ટાઇલ (Driving Style) જેવા પરિબળો જવાબદાર હોય છે, માત્ર એથેનોલ નહીં.

ઇન્સ્યોરન્સ ક્લેમ અને ભવિષ્યનો રોડમેપ

વાહનોમાં એથેનોલ મિશ્રિત ઇંધણના કારણે નુકસાન થાય તો વીમો (Insurance) નહીં મળે, તેવી અફવાઓ પર પૂર્ણવિરામ મૂકતા મંત્રીએ જણાવ્યું કે તમામ વીમા કંપનીઓએ (Insurance Companies) સ્પષ્ટતા કરી દીધી છે કે ક્લેમ મેળવવામાં આવી કોઈ જ સમસ્યા નડશે નહીં. ભારતનું ઓટોમોબાઈલ માર્કેટ (Automobile Market) એટલું વિશાળ છે કે અહીં ઇલેક્ટ્રિક વ્હીકલ્સ (EV), હાઇબ્રિડ, બાયો-ફ્યુઅલ અને સીએનજી (CNG) વાહનો બધા માટે પૂરતી તકો રહેલી છે.

હાલમાં દેશમાં પેટ્રોલમાં 20% એથેનોલ મિશ્રણ (Ethanol Blending) કરવામાં આવી રહ્યું છે. તેને વધારીને 25% કરવાનો અંતિમ નિર્ણય તમામ જરૂરી ટેકનિકલ તપાસ (Technical Evaluation) પૂર્ણ થયા બાદ જ લેવાશે. આ અંગે ફેલાયેલી તમામ ગેરસમજોને દૂર કરવા માટે પેટ્રોલિયમ મંત્રાલયે 5 પાનાની એક વિગતવાર નોટ (Detailed Note) પણ જાહેર કરી છે.

આ પણ વાંચો : Ethanol Blending Petrol : ઇથેનોલ મિશ્રિત Fuel પર મોટી રાહત, કેન્દ્ર સરકારે E22 થી E30 ફ્યુઅલ પર એક્સાઈઝ ડ્યૂટી કરી માફ