Maruti Car Price Hike: તહેવારોની સિઝનમાં મોટો ઝટકો, મારુતિએ કારની કિંમતો 20,000 રૂપિયા સુધી વધારી

કિંમતો વધારવા પાછળનું મુખ્ય કારણ
વાહન નિર્માણ કરતી કંપનીઓ માટે કાચા માલની કિંમતો સતત વધી રહી છે. બજારમાં મોંઘવારીનું દબાણ પણ સતત જળવાઈ રહ્યું છે. આ કારણોસર કંપનીને વધતી કિંમતોનો બોજ ગ્રાહકો સુધી પહોંચાડવાની ફરજ પડી છે. કંપનીનું કહેવું છે કે ઉત્પાદન ખર્ચ ઘટાડવા માટે તમામ પ્રયાસો કરવામાં આવ્યા છે. છતાં વર્તમાન પરિસ્થિતિમાં આ વધારાનો સંપૂર્ણ બોજ કંપની જાતે ઉઠાવી શકે તેમ નથી.

મોડેલ મુજબની વિગતોનું હજુ રાહ જોવી પડશે
હાલમાં મારુતિ સુઝુકીએ એ સ્પષ્ટ કર્યું નથી કે કયા ચોક્કસ મોડેલના ભાવ કેટલા વધારવામાં આવ્યા છે. ગ્રાહકોએ પોતાની પસંદગીની કારની નવી કિંમત જાણવા માટે સત્તાવાર યાદીની રાહ જોવી પડશે. જો કે, રાહતની વાત એ છે કે, આ વખતે સમગ્ર રેન્જની કિંમતો વધારવામાં આવી નથી, પરંતુ માત્ર કેટલાક મોડેલ જ મોંઘા કરવામાં આવ્યા છે. અગાઉ ટાટા મોટર્સ અને હ્યુન્ડાઈ જેવી અન્ય કંપનીઓ પણ ભાવ વધારો કરી ચૂકી છે.

મારુતિનું મોટું પ્રોડક્ટ પોર્ટફોલિયો
મારુતિ સુઝુકી પોતાની ગાડીઓ મુખ્યત્વે એરેના અને નેક્સા ડીલરશિપ દ્વારા વેચે છે. એરેના રેન્જમાં ઓલ્ટો કે 10, વેગનઆર, સ્વિફ્ટ, ડિઝાઈયર અને બ્રેઝા જેવી કારો સામેલ છે. જ્યારે નેક્સા પોર્ટફોલિયોમાં ગ્રાન્ડ વિટારા, બલેનો, જિમ્ની અને ઇનવિક્ટો જેવા મોડેલ્સ ઉપલબ્ધ છે. કઈ ગાડીઓ પર આ નવો ભાવ વધારો લાગુ થયો છે તેની સ્પષ્ટતા ટૂંક સમયમાં જાહેર કરવામાં આવશે.

આ પણ વાંચો--- Baleno facelift 2026 : ₹6.10 લાખમાં મારુતિએ ઉતારી અત્યાર સુધીની સૌથી એડવાન્સ કાર, કિંમત જાણી ચોંકી જશો!