કારને ઓછી સેફ્ટી રેટિંગ મળવાના મુખ્ય કારણો

ક્રેશ ટેસ્ટના રિપોર્ટ્સ અનુસાર, ઘણી કારોને ઓછું રેટિંગ મળવા પાછળ નબળી બોડી સ્ટ્રક્ચર (Body structure), અસ્થિર બોડી શેલ (Body shell) અને મર્યાદિત સુરક્ષા ફીચર્સ જવાબદાર છે. ફ્રન્ટલ ઇમ્પેક્ટ ટેસ્ટ (Frontal impact test) દરમિયાન કેટલીક કાર મુસાફરોને સુરક્ષા આપવામાં નિષ્ફળ રહી છે. ઓટો એક્સપર્ટ્સના મતે, માત્ર એરબેગ્સ (Airbags) હોવાથી કાર સુરક્ષિત નથી બનતી; તેની સાથે મજબૂત ચેસિસ (Chassis), સુધારેલા ક્રમ્પલ ઝોન (Crumple zones) અને ઇલેક્ટ્રોનિક સ્ટેબિલિટી કંટ્રોલ (ESC) જેવા ફીચર્સ પણ એટલા જ જરૂરી છે.

ભારતમાં સૌથી ઓછી સલામતી રેટિંગ ધરાવતી કારો

• ભારતીય કાર બજારમાં ગ્રાહકો હવે સુરક્ષાને લઈને વધુ સભાન બન્યા છે, કારણ કે ક્રેશ ટેસ્ટના પરિણામો દર્શાવે છે કે બજારમાં લોકપ્રિય હોવા છતાં કેટલીક ગાડીઓ સુરક્ષાના માપદંડો પર ખરી ઉતરી શકી નથી. ગ્લોબલ NCAP ના અહેવાલો મુજબ, સિટ્રોએન ઇ-સી3 (Citroen e-C3) નામની ઇલેક્ટ્રિક હેચબેક તેના અસ્થિર બોડી સ્ટ્રક્ચર અને બાળકો તેમજ પુખ્ત વયના લોકો માટે નબળી સુરક્ષાને કારણે શૂન્ય-સ્ટાર રેટિંગ લાવવા માટે બદનામ થઈ છે.
• તેવી જ રીતે, ભારતીય રસ્તાઓ પર વર્ષોથી દોડતી મારુતિ સુઝુકી ઇકો (Maruti Suzuki Eeco) પણ ડ્રાઇવરની છાતી અને ઘૂંટણને પર્યાપ્ત સુરક્ષા આપવામાં નિષ્ફળ રહેતા ઝીરો-સ્ટાર રેટિંગ મેળવી શકી છે.
• આ યાદીમાં મારુતિની જ એસ-પ્રેસો (Maruti Suzuki S-Presso) નો પણ સમાવેશ થાય છે, જે તેના અસ્થિર ફૂટવેલ એરિયાને કારણે શરૂઆતમાં શૂન્ય અને સુધારા પછી માંડ 1-સ્ટાર રેટિંગ મેળવી શકી છે, જ્યારે બજેટ કાર રેનો ક્વિડ (Renault Kwid) પણ તેના નબળા બોડી શેલ અને છાતી-પગના નબળા પ્રોટેક્શનને લીધે માત્ર એક જ સ્ટાર લાવી શકી છે.
• નવાઈની વાત એ છે કે મજબૂત એસયુવી બનાવવા માટે જાણીતી મહિન્દ્રાની બોલેરો નીઓ (Mahindra Bolero Neo) પણ આ ટેસ્ટમાં ફ્લોપ સાબિત થઈ છે અને સાઇડ ઇમ્પેક્ટ તેમજ ચાઇલ્ડ સેફ્ટીમાં નબળા પ્રદર્શનને કારણે તેને માત્ર 1-સ્ટાર રેટિંગથી સંતોષ માનવો પડ્યો છે, જે સાબિત કરે છે કે દેખાવ ગમે તેવો હોય પણ અકસ્માત સમયે ખરી મજબૂતાઈ જ કામ આવે છે.

આ પણ વાંચો : EV Monsoon Care Tips : ચોમાસામાં ઇલેક્ટ્રિક કાર ચલાવતા પહેલા આ બાબતોનું ખાસ ધ્યાન રાખો, નહીંતર થઈ શકે છે મોટું નુકસાન