Ambaji Land Scam: મૃતક મહિલાના નામે બારોબાર દસ્તાવેજ કરી રકમ ઉપાડી લેવાઈ

કલેક્ટર કચેરીમાં બોગસ હાજરી અને 15 લાખ રૂપિયાની ઉઠાંતરી

આ કૌભાંડની વિગતો એટલી આશ્ચર્યજનક છે કે સરકારી તંત્ર પણ ચોંકી ઉઠ્યું છે. જમીન માલિક મહિલાનું અવસાન થયું હોવા છતાં, કલેક્ટર કચેરીમાં (Collector Office) તેમની જગ્યાએ એક અન્ય ભળતી જ મહિલાને હાજર રાખવામાં આવી હતી. આ બોગસ મહિલાએ પોતે નિઃસંતાન (Childless) હોવાનું ખોટું સોગંદનામું રજૂ કરી જમીન વેચાણની મંજૂરી માંગી હતી.

મહિલાના મૃત્યુ પછી નોટરીમાં (Notary) નકલી અંગૂઠા અને સહી કરીને દસ્તાવેજ મંજૂર કરાવી લેવાયા હતા. આટલું જ નહીં, જમીન વેચાણ પેટે નક્કી થયેલી રૂપિયા 15,00,000 ની રકમ બેંક ખાતામાં (Bank Account) જમા કરાવીને તરત જ ઉપાડી પણ લેવામાં આવી હતી.

સરકારી કચેરીઓની મિલીભગત, કલેક્ટરે રિપોર્ટ માંગ્યો

આ ચકચારી કેસમાં મરણ નોંધ રજીસ્ટર સાથે પણ મોટાપાયે છેડછાડ કરવામાં આવી હોવાની પૂરેપૂરી આશંકા સેવાઈ રહી છે. સ્થાનિક તલાટીએ (Talati) આ અનિયમિતતા અને ફેરફાર અંગેનો પ્રાથમિક અહેવાલ ઉચ્ચ અધિકારીઓને સોંપ્યો છે. આ કેસમાં મહેસૂલ વિભાગ અને અન્ય સરકારી કચેરીઓની મિલીભગત હોવાના ગંભીર આક્ષેપો ઉઠ્યા છે. સમગ્ર મામલાની ગંભીરતાને ધ્યાને રાખીને બનાસકાંઠા જિલ્લા કલેક્ટર (District Collector) દ્વારા આ કૌભાંડ અંગે તાત્કાલિક અસરથી વિસ્તૃત તપાસ અહેવાલ (Report) માંગવામાં આવ્યો છે.

આ પણ વાંચો: Road Accident Insurance Rule: અકસ્માત વીમા ક્લેમ હવે ચપટીમાં થશે પાસ, સરકારનો મોટો નિર્ણય