Banaskantha Accident: અકસ્માતનો સિલસિલો યથાવત, એક બાદ એક 5 વાહનો વચ્ચે અકસ્માત

પાંચ વાહનો વચ્ચે અકસ્માત

પ્રાપ્ત માહિતી અનુસાર આજે સવારે હાઈવે પર વાહનોની ગતિ સામાન્ય હતી ત્યારે અચાનક એક એર્ટિગા (Ertiga) કાર અને આઇસર (Eicher) ટ્રક સહિત કુલ પાંચ વાહનો એકબીજા સાથે અથડાયા હતા. આ અકસ્માતને કારણે વાહનોની સ્થિતિ અત્યંત ગંભીર જોવા મળી હતી. ઘટનાની જાણ થતાં જ અમીરગઢ પોલીસ (Amirgarh Police) અને નેશનલ હાઈવે ઓથોરિટી ઓફ ઇન્ડિયાના અધિકારીઓ તાત્કાલિક ઘટના સ્થળે દોડી આવ્યા હતા. અકસ્માતને કારણે નેશનલ હાઈવે પર પાંચથી છ કિલોમીટર લાંબો ટ્રાફિક જામ સર્જાયો હતો, જેના કારણે વાહનચાલકો કલાકો સુધી અટવાઈ રહ્યા હતા.

ઈજાગ્રસ્તોને હોસ્પિટલમાં ખસેડાયા

પોલીસે ઈજાગ્રસ્તોને તાત્કાલિક સારવાર માટે નજીકની હોસ્પિટલ (Hospital) માં ખસેડવાની કામગીરી હાથ ધરી હતી, તેમજ હાઈવે પરથી ક્ષતિગ્રસ્ત વાહનોને હટાવીને ટ્રાફિક પૂર્વવત કરવાના પ્રયાસો શરૂ કર્યા છે. હાલમાં અકસ્માત પાછળનું કારણ જાણવા તપાસ ચાલી રહી છે.

ગઈકાલે કારને નડ્યો હતો અકસ્માત

નોંધનીય છે કે, બાલારામ બ્રિજ પર અકસ્માતનું પ્રમાણ સતત વધી રહ્યું છે. ગઈકાલે પણ આજ સ્થળ પર એક વેગનઆર (WagonR) કારનો અકસ્માત સર્જાયો હતો, જેમાં એક વ્યક્તિએ પોતાનો જીવ ગુમાવ્યો હતો. સતત બે દિવસમાં બનેલી આ બે આ ઘટનાઓથી સ્થાનિક લોકોમાં ભારે રોષ અને ચિંતા જોવા મળી રહી છે.

આ પણ વાંચોઃ Banaskantha Accident: બે વાહનો વચ્ચે અકસ્માત સર્જાતાં બસ સ્ટેન્ડ ભોય ભેગું થયું, 1 વિદ્યાર્થીનો જીવ ગયો, કેટલાંક લોકો દટાયા